Məşhur aktyordan qalmaqallı müsahibə: "Məni itimlə dəfn edərsiz"

82 yaşlı dünya şöhrətli fransız aktyor Alen Delon karyerasının 60 illik yubileyi ilə bağlı Fransa mətbuatına verdiyi müsahibədə etiraf edib ki, müasir dünya onu çox məyus edib. Buna görə də o, dünyanı heç təəssüflənmədən tərk edəcək.

Aktyor müsahibəsində bunları deyib:

"Bu gün hər şey saxtadır, hamını təkcə pul maraqlandırır. Heç kim sözünü tutmur, hər gün yeni cinayət xəbərləri verirlər. Mən bu dünyanı heç təəssüf etmədən tərk edəcəm".

Aktyorun sözlərinə görə, onun ən sadiq dostu birgə dəfn olunmaq istədiyi 2 yaşlı itidir.

"Öləcəyimi hiss etsəm, xahiş edəcəm ki, itimə ölüm iynəsi vurulsun və bizi birgə dəfn etsinlər. İstəmirəm ki, o, mənim qəbrimin üstündə kədərdən ölsün" - Alen Delon deyib.

Qeyd edək ki, hələ də xanım heyranlarının çox olduğunu bildirən aktyor "həmin yeganə" olacaq xanımı tapmadığını deyib. (publika.az)

Telegramda izləyin

instagramda izləyin