İki azyaşlının da içində yandığı villa Ziya Məmmədovundur? - atası danışdı

İsmayıllı rayonunda 18 fevral tarixində sabiq nəqliyyat naziri Ziya Məmmədova məxsus olduğu deyilən evdə baş vermiş yanğın zamanı xəsarət alan uşaqların vəziyyəti yaxşıdır.

Bu barədə Sonxeber.az-a açıqlamasında yanmış villanı mühafizə edən və həmin mənzildə yaşayan İsmayıllı rayonu Qubaxəlilli kənd sakini Bəbirov Ruslan deyib.

O bildirib ki, yanğında xəsarət alan azyaşlı uşaqları hazırda evə buraxılıb:

"Uşaqlarımın vəziyyəti yaxşıdır. Hazırda evdədilər. Yüngül yanıq xəsarəti alıblar. Yanğın baş verən ev mənim şəxsi mülkümdür. Mühafizə etdiyim ev isə rusiyalı iş adamınındır, mən ona nəzarət edirəm. Amma həmin villa hazırda Ziya Məmmədova məxsus deyil. Ola bilər ki, əvvəllər ona aid olub. Evin indiki sahibi biznesmendir. İldə bir dəfə ölkəyə gəlir. Hadisədən xəbərdardır. Amma yanan ev mənə aiddir. Sənədləri də öz adımadır".

Qeyd edək ki, fevralın 19-da saat 2 radələrində İsmayıllı rayonunun Buynuz kəndində rayon sakini Ruslan Bəbirova məxsus evdə odun sobasına nəzarətsizlikdən yanğın baş verib. Nəticədə yanar konstruksiyalar və oradakı əşyalar yanıb. Yanıq xəsarətləri almış R.Bəbirovun azyaşlı uşaqları - Ömər və Zeynəb xəstəxanaya yerləşdiriliblər. Mətbuatda yanan evin sabiq nəqliyyat naziri Ziya Məmmədova məxsus olması ilə bağlı məlumat yayılmışdı.

Aysel Kərimova

Telegramda izləyin

instagramda izləyin