"Gəlirlər ki, məni bu məşhura oxşadın" - Tanınmış estetik cərrah Siruz Qoçqani ilə MÜSAHİBƏ

Azərbaycanda yetərincə məşhur olan və əl qabiliyyəti ilə dünyaya səs salan tanınmış plastik cərrah Siruz Qoçqani BiG.AZ-a müsahibə verib.

Sözügedən müsahibəni oxuculara təqdim edirik:

Siruz həkim, bilirik ki, uzun müddətdir bu sahədəsiz və yetərincə təcrübəniz var. Konkret olaraq neçə ildir Azərbaycanda çalışırsız?

- Sizə deyim ki, mən artıq 20 ildir plastik cərrah kimi fəaliyyət göstərirəm. Azərbaycanda isə 10 ildən çoxdur.

Həkim, bəs xarici ölkələrdən iş təklifi gəlirmi? Niyə məhz Azərbaycanda fəaliyyət göstərmək istəyirsiz?

- Əlbəttə gəlir, Türkiyə və Dubaydan çoxsaylı iş təklifi gəlib. Sadəcə olaraq, mənə Azərbaycan daha rahat və burda işləmək daha xoşdur.

Azərbaycanda sizə xanımlar təbii ki, daha çox müraicət edir. Əsasən, çoxluq hazırda hansı əməliyyatadır?

- Təbii haldır ki, xanımlar daha kompleksli olurlar. Əməliyyatdan çıxanda gözlərindəki gülüş onlar üçün nəyə desəz dəyər. Ən çox rinoplasktika və bədən korreksiyası (sinə qarın, kürək, ayaqlar və s.) çoxluq təşkil edir. Liposakşn burunla bərabər (say çoxluğuna görə nəzərdə tuturam) icra olunan əməliyyatdır.

3 və ya daha çox hissəni eyni anda əməliyyat etmək mümkündürmü?

-Əlbəttə, mümkündür. Bu artıq xəstənin istəyinə bağlıdır. Amma, burada yaş faktoru da önəmlidir. Orta yaşı keçmiş insanlara eyni anda çoxsaylı əməliyyat məsləhət görülmür.

Bəs, belə əməliyyatlarda risk neçə faizdir?
- Sizə deyim ki, bütün əməliyyatlarda risk faktoru bir faiz də olsa var. Bu hətta diş də var. Lakin, xəstə əməliyyata girməmişdən öncə bütün müayinələrdən keçir, müsbət nəticə olarsa, daha sonra əməliyyata buraxılır.

Hansı xəstəlikdən əziyyət çəkənlərə əməliyyat olmaz?
- Ürək problemləri, astmalar, tromblar, bəzi genetik xəstəliklər var ki, onlarda da əməliyyata girmək olmaz. Amma elə xəstəliklərdə var ki, əməliyyatdan öncə müalicə edirik, sağalır daha sonra əməliyyata salırıq.

Olubmu ki, hansısa xəstəni öhdənizə götürməmisiz, yəni geri qaytarmısız?

- Olub, çox olub. Elə xəsətlər olub ki, baxmışam ki, onun əməliyyat olunmasına ehtiyac yoxdur. Eləsi də olub ki, anadangəlmə ürək qüsurludur, şəkəri yüksək səviyyədədir onları geri qaytarmışam. Belə hallar çox olub.

Məşhurlardan kimləri əməliyyat etmisiniz?

- Həddindən artıq çox məşhurun əməliyyatlarını icra etmişəm. Amma, adlarının çəkilməsini özləri istəmədiyi üçün ad çəkə bilməyəcəm. Məşhurlarla yanaşı, məmur xanımları da əməliyyat üçün mənə müraciət ediblər.

Bu hansı əməliyyalardır ki, məşhurlar adlarının çəkilməsində israr edirlər?

-Qlyuteoplastika yəni, arxanı dikləşdirmək, yumrulaşdırmaq, ətrafındakı artıq yağları almaq, popoüstü çuxur əmələ gətirmək, beli incəltmək nəzərdə tutulur. O cümlədən, sinə əməliyyatları da daxildir. Cəmiyyət hələki, belə əməliyyatları normal qəbul etmir deyə, adi insanlarda gizlətməyə çalışırlar. Ona görə, məşhurların adlarının gizli saxlanılması normal haldır. Belə əməliyyatlardan sonra çox müşahidə etmişəm ki, xəstənin bütün həyatı yaxşıya doğru dəyişib.

Rinoplastikanı hansı üsulla həyata keçirirsiniz?

- Mən yalnız, açıq üsulla əməliyyat edirəm. Piezo aparatı vasitəsi ilə əməliyyat edirəm.

Xəstələrdən kimsə yerli məşhurlardan hansınınsa burun formasını göstərib eynisini istəyib? Olubmu belə hallar?

- Əlbəttə, çox olub. Amma, tamamilə, əleyhinəyəm. Çünki bu xəyaldır. Hər kəsin öz cizgilərinə uyğun burun edirəm. Yerli məşhurlardansa əsasən, Hollivud ulduzlarının burun formasını istəyirlər.

Slikon popo, slikon ayaq, slikon sinə və s. Bunların orqanizmə verəcək fəsadları varmı?

- Slikonun bəli fəsadları ola bilər. Məsələn, ola bilər ki, bədən qəbul etməz.

Bunu əvvəlcədən təyin etmək mümkündürmü bəs?

- Xeyr, çünki onlar zaman-zaman üstündəki kapsul düzəlir, bərkiyir.

Xərçəngə çevirə bilərmi?

- Xeyr, qətiyyən. Əks halda əməliyyat olunub, slikon çıxarılır. Çarə yoxdur.

Azərbaycanda bu sahədə özünüzə rəqib kimi görürüsünüz?

- Kolleqayıq, onların uğuru da mənimkidir. Hamımızın hədəfi eynidir. Var bəzi həkimlər ki, burun əməliyyatlarını bəyənmişəm. Amma, bədən korreksiyasında özümə rəqib görmürəm.

Yəqin ki, olub öz yaxınlarınızı da əməliyyat etmisiniz. Hər hansı bir narahatlıq yaşamısınızmı?

- Mənim üçün bütün xəstələr eynidir. Həm yaxınlarım, həm yad olanlar. Hamsına eyni cür yanaşıram və eyni cür də narahat oluram.

İnstagram səhifənizdə tez-tez xarici vətəndaşları əməliyyat etdiyinizi müşahidə edirik. Onlar internet vasitəsilə sizə müraciət edir, yoxsa tanışlıqla?

- Elə instagramın özündən müraciət edirlər. Əl işlərimə baxıb, bəyənib bura üz tuturlar.

Bu günə kimi keçirdiyiniz ən ağır əməliyyat hansı olub? Hansı xəstəniz belə hadisə ilə yaddaşınıza həkk olub?

-Olub belə xəstə... 8 saatlıq ağır əməliyyat etmişəm. 7 əməliyyat eyni zamanda həyata keçrildi. 31-32 yaşında xanım idi. Nəticə çox gözəl oldu. Dəyişiklik dəhşətli dərəcədə nəzərə çarpırdı, əlbəttə ki, yaxşı mənada.

Əməliyyatın əsas riskli nüaslarından biri də narkozdur. Bu da xəstələri daha çox qorxudur. Həkim, zəhmət olmasa, narkozun riskləri haqqında da bir az danışardız.

- Düzdür, narkoz xəstələri ən çox maraqlandıran nüanslardandır. Əməliyyat zamanı narkozdan kiminsə yaxını və ya tanıdığı şəxs həyatını itirirsə, bu həmin adamlarda fobia olaraq qalır. Bu bütün dünyada belədir. Amma, narkoz o qədər qorxulacaq bir şey deyil. Çünki, həmin zamanda xəstə kontrol altında olur. Bir məsələ də var ki, gərək xəstə keçirdiyi bütün xəstəlikləri öncədən desin. Misal olaraq, sizə öz xəstəm haqqında məlumat verəcəm. Həmin xanım əməliyyatdan öncə müayinələri müsbət çıxsa da, özünün bizdən gizlətdiyi xəstəliyi olub. Sən demə, ürəyin çox böyük aretmiyalar olub. Halbu ki, bu müayinədə o qədər göstərməmişdi. Çox çətinliklə onu həyata qaytara bildik. Oyananda ondan niyə bizdən gizlətmisiniz xəstəliyinizi soruşduq, o sizə "qorxdum ki, əməliyyat etməzsiniz, mən bundan öncəki əməliyyatda kliniki ölüm keçirmişdim" deyə cavab verdi. Baxın, bu böyük məsuliyyətsizlikdir. Hər şeyi öncədən demək mütləqdir.

Oxucularımıza əlbəttə, əməliyyatların qiymətləri də maraqlıdır. Bu haqda hər hansı bir məlumat verə bilərsinizmi?

-Düzdür, biz konkret olaraq, müəyyən aralıqda qiymət nəzərdə tutmuşuq. Amma, müayinə etməmiş konkret qiymət demək düzgün deyildir. Qəbul ödənişsizdir, istəyən hər kəs müraciət edib, dəqiq qiymət öyrənə bilər.

Bizdə bu sahə get-gedə inkişaf edir. Sizin kimi cərrah olmaq istəyən gənclərə nə məsləhət verərdiniz?

-Ancaq və ancaq çalışmaq, araşdırmaq və oxumaq lazımdır. Utanmadan, çəkinmədən müəllimlərinizə suallarınızı verin, məsləhət alın. İşlərinə həvəslə yanaşsınlar. Mən uşaqlıqdan bu sahəni sevmişəm. Yenidən dünyaya gəlsəydim, yenə də bu sahəni seçərdim.

Geniş müsahibə üçün sizə təşəkkür edirik.
-Çox sağ olun.

Telegramda izləyin

instagramda izləyin