Ağır qəzaya düşən şagirdlərimizlə bağlı xəstəxanadan AÇIQLAMA

Ağır qəzaya düşən şagirdlərimizlə bağlı xəstəxanadan AÇIQLAMAXəbər verdiyimiz kimi, Yevlaxda şagirdləri daşıyan "Vito" markalı mikroavtobusun toxuculuq müəssisəsi yaxınlığında "QAZ-53" markalı avomobillə toqquşması nəticəsində 19 nəfər xəsarət almışdı.

Minqəçevir Şəhər Mərkəzi xəstəxanasından Sonxeber.az-a verilən açıqlamada bildirilib ki, xəstəxananın reanimasiya şöbəsinə yerləşdirilən Əntiqə Qoşqarlının vəziyyəti ağır-stabildir:

"Əntiqə Qoşqarlı kəllə-beyin travması ilə xəstəxanaya daxil olub. Əməliyyat olunub, reanimasiya şöbəsinə yerləşdirilib. Neyrocərrahlar onun bu gün ayılmağına icazə vermirlər. Onu özləri yatızdırırlar. Sabaha ayıldacaqlar. Həkimlər əməliyyatdan sonra yatmağını məsləhət görüblər. Ə.Qoşqarlı məktəbin işçisidir. Müəllimə olduğu dəqiq deyil. Şagirdlərə kömək etməmək üçün bu imtahanlara ixtisaslı müəllimlərin iştirak etməsinə icazə vermirlər. O laborant yaxud kitabxana işçisi ola bilər. Bununla belə, reanimasiya şöbəsində 2 şagird də müalicə alır. Digər xəstələrin vəziyyəti qənaətbəxşdir. Əhmədov Rəvan reanimasiyada olsa da vəziyyəti normaldır, özü qidalanır. Manana Əhmədovanın vəziyyəti yaxşıdır, reanimasiyadan çıxarılıb"

Qeyd edək ki, ki, hadisə zamanı xəsarət alanlardan 14-ü Yevlax Rayon Mərkəzi Xəstəxanasına aparılıb. Yaralılardan 8-nin xəsarəti yüngül olduğundan onlar ilkin tibbi yardımdan sonra xəstəxanadan buraxılıblar. Digər 6 yaralıda müxtəlif dərəcəli xəsarətlər qeydə alınıb. Daha 5 yaralı Mingəçevir Şəhər Mərkəzi Xəstəxanasına çatdırılıb. Onlardan 2-nin vəziyyəti ağırdır. Onların yaxın saatlarda Bakıya gətiriləcəyi gözlənilir.

Aysel Kərimova

Hadisə   Baxılıb: 3487   Tarix: 12 mart 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR