Salyanda 5 nəfərin ölümünə səbəb olan sürücü 10 il müddətinə azadlıqdan məhrum edilib

Lənkəran Ağır Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Zakir Əliyevin cinayət işi üzrə məhkəmə prosesi başa çatıb.

Vəkil Əli Hüseynovun Sonxeber.az-a verdiyi məlumata görə, hakim Elşad Əliyevin sədrliyi ilə keçirilən prosesdə hökm oxunub.

Hökmə əsasən, Z. Əliyev 10 il müddəinə azadlıqdan məhrum edilib.

Vəkil hesab edir ki, hökm qanunsuzdur: "Zakir Əliyevə bəraət almaqda iddialıyıq. Onun əməlində cinayət tərkibi yoxdur. Buna görə apellyasiya şikayəti vermişik".

Qeyd edək ki, 2017-ci ilinsentyabrın 19-da saat 20 radələrində Salyan rayonunun Sarvan kəndi ərazisində Saatlı rayon sakini Babək Hüseynovun idarə etdiyi "VAZ-2106" və Cəlilabad rayon sakini Zakir Əliyevin idarə etdiyi "Mercedes" markalı avtomobillər toqquşub. Nəticədə B.Hüseynovun sərnişinləri - Salyan rayon sakinləri Arzu Əhmədova, Gilas Əhmədova, Sevinc Baxşıyeva və Vəfa Əhmədova və daha bir nəfər hadisə yerində ölüb, Z.Əliyev və 2 sərnişini xəstəxanaya yerləşdiriliblər.

Telegramda izləyin

instagramda izləyin