Həbsdə olan Fədayə Laçından XƏBƏR VAR: "Xanım olduğu nəzərə alınaraq..."

"Fədayə xanımın səhhəti ortadır. Hər kəsə, xüsusən də, onu sevənlərə salamı var. Səbrsizliklə məhkəməsinin keçirilməsini gözləyir".

Bu sözləri Sfera.az-a açıqlamasında Bakı İstintaq Təcridxanasında saxlanılan müğənninin vəkili Türkel Süleymanlı deyib.

Onun sözlərinə görə, müğənni telefon bağlantısı qurur, yaxınları ilə danışır:

"Ailəsi ilə görüşmək barəsində bir şey deyə bilmərəm, xəbərsizəm. Lakin telefon bağlantısı qurub ana, bacısı və övladı ilə danışmaq imkanı var".

Vəkilin sözlərinə görə, müğənninin müalicəsi də davam edir:

"Cəzaçəkmə müəssisəsinə köçürüldükdə daha rahat müalicə ala biləcək. Şərti cəza kəsilərsə, daha yaxşı olar. Hələlik, gözləyirik".

Məhkəmənin nə vaxt keçiriləcəyi isə bəlli deyil. Vəkilin sözlərinə görə böyük ehtimalla məhkəmə açıq keçiriləcək:

"Məhkəmənin nə vaxt keçiriləcəyi ilə bağlı dəqiq məlumatımız yoxdur. Ümidvarıq ki, məkhkəmə yekunlaşmaq üzrədir. Çünki artıq kifayət qədər vaxt keçib. Yəqin ki, xanım olduğu nəzərə alınaraq ona mərhəmət göstəriləcək".

Telegramda izləyin

instagramda izləyin