Sərkisyana qarşı etirazlar daha da gərginləşdi - Video

Terlemezyan İncəsənət Texnikumunun tələbələri İrəvan Arşakunyants prospektini bağlayıblar.

Sonxeber.az xəbər verir ki, bu barədə məlumatı erməni aktivistlər öz Feysbuk səhifələrində yayıblar. Tələbələrin bu addımına polis müdaxilə edib. Nəticədə bir neçə tələbə həbs edilib. Onlara qarşı zorakılıq tətbiq edilib.

Qeyd edək ki, İrəvanda Serj Sərkisyanın baş nazir seçilməsinə qarşı etirazlar 8 gündür davam edir.

***

Arşakunyants prospektindəki etirazçıların sayı kəskin şəkildə artıb. "Ayrenik" kinoteatrından "İrəvan Mall" ticarət mərkəzinə qədər olan seqment bağlanıb.

Polis əvvəlcə prospekti açmağa müvəffəq olsa da, etirazçılarının sayının durmadan artmasına görə prosesi axıra çatdıra bilməyib.

Etirazçıların prospektin ikinci hissəsini bağlamasına mane olmaq üçün polislər prospektin ortasında hazır vəziyyətdə dayanıb. Buraya həmçinin əlavə polis qüvvəsi də cəlb olunub. Nümayişə çıxanlar "Qoşulun", "Addım at, Serji rədd et" şüarları səsləndirib.

Mənbə: Axar.az

Telegramda izləyin

instagramda izləyin