Azərbaycanın yüksək vəzifəli məmurlarının maraqlı hobbisi - SİYAHI+FOTOLAR

BiG.AZ Azərbaycanın yüksək vəzifəli məmurlarının hobbisi ilə bağlı maraqlı məlumatlar əldə edib.

Onları təqdim edirik:

Heydər Əliyev Fondunun vitse-prezidenti Leyla Əliyeva Azərbaycanda yoqanın populyarlaşdırılması ilə fəal məşğul olur və tez-tez yoqanın təbliğinə həsr edilmiş tədbirlərdə iştirak edir. Belə ki, Leyla Əliyeva Bakıda keçirilən yoqa üzrə master-klasslarda iştirak edib.

Prezident İlham Əliyevin bacısı Sevil Əliyevanın oğlu, Azərbaycan Ağır Atletika Federasiyasının vitse-prezidenti olan Azər həm də peşəkar idmançıdır. Sosial şəbəkədə mütəmadi olaraq öz videolarını paylaşan Azər qısa zamanda idman sahəsində böyük uğurlar əldə edib.

2 iyul 2011-ci ildə Çexiyanın paytaxtı Praqada paurliftinqin WPC versiyası üzrə gənclər arasında 100 kq-da yarışan Azər Əliyev 3 hərəkətin cəmində 600 kq ağırlığın öhdəsindən gəlib və 5-ci yeri tutub.

23 noyabr 2011-ci ildə Latviyanın paytaxtı Riqada paurliftinqin WPC versiyası üzrə dünya çempionatında yarışan idmançımız fəxri kürsüyə yaxın olub. Azər Əliyev 100 kq-da ləvazimatsız 610 kq qaldıraraq 4-cü yeri qazanıb.

2014-cü ildə isə Azər Əliyev Açıq Avrasiya Kuboku yarışında 250 kq-lıq nəticə ilə gümüş medala sahib olub.

Bu gün yeni baş nazir təyin edilən Novruz Məmmədov idmanın üzgüçülük növü ilə məşğuldur.

Səhhətinə diqqət edən yeni nazir hər səhər tezdən üzmək üçün Hyatt Regency Hotelə üz tutur. N.Məmmədov otelin hovuzunda 1 saata yaxın üzgüçülüklə məşğul olur.

Azərbaycan Respublikasının Dövlət Təhlükəsizliyi Xidmətinin rəisi Mədət Quliyevin velosiped idmanına xüsusi marağı var. O, hətta bu idman növü ilə peşəkar şəkildə məşğul da olur.

Azərbaycan Taekvando Federasiyasının 1-ci vitse-prezidenti Füzuli Musayev Fövqəladə Hallar Nazirliyində polkovnik rütbəsində çalışır. 1986-cı ildən 1997-ci ilə kimi, 20 ilə yaxın polis kimi çalışıb. Cinəyatkarlığa qarşı mübarizənin kiçik inspektorluğundan baş inspektorluğuna kimi qalxıb. Polis Akademiyasını bitirib. O, hazırda Fövqəladə Hallar Nazirliyinin İdman İdarəsinin rəisidir.

Milli Olimpiya Komitəsinin vitse-prezidenti Xəzər İsayev Dövlət Gömrük Komitəsində çalışır. Rütbəsi polkovnikdir. Sərbəst güləşdə göstərdiyi yüksək nəticələrə görə SSRİ-nin Əməkdar İdman Ustası adına layiq görülüb. Azərbaycan Milli Olimpiya komitəsinin "Ədalətli Oyunlar" komissiyasının sədridir.

Telegramda izləyin

instagramda izləyin