Boş qalan deputat yerlərinin aqibəti necə olacaq? - Millət vəkilindən AÇIQLAMA

Xəbər verdiyimiz kimi prezident İlham Əliyev Nazirlər kabinetinin yeni tərkibini təsdiqlədi. Yeni tərkibdə 3 deputat: Fuad Muradov Diasporla İş üzrə Dövlət Komitəsinin sədri, Rövşən Rzayev Qaçqınların və Məcburi Köçkünlərin İşləri üzrə Dövlət Komitəsinin sədri, Muxtar Babayev Ekologiya və təbii sərvətlər naziri təyin edildi. Eyni zamanda, bir neçə gün öncə millət vəkili, professor Astan Şahverdiyev qəfildən ürəktutmasından dünyasını dəyişib və onun da yeri boşdur. Son 3 təyinatla isə adları yuxarıda qeyd olunan deputatların da səlahiyyətinə xitam veriləcək. Beləliklə, parlamentdə millət vəkillərinin sayı 125-dən 119-a düşmüş olacaq.

Həmin deputatların mandatının nə zaman ləğv ediləcəyini və yenidən seçkilərin keçirilmə tarixi ilə maraqlanıb.

Bununla bağlı BiG.AZ-a açıqlama verən deputat Aydın Mirzəzadə qeyd edib ki, inanıram ki, onlar cənab prezidentin etimadını layiqincə doğruldacaq: "Seçki haqqında qanunda göstərilir ki, nazir olan şəxsin deputat mandatı dayandırılır. Yeni seçkilər təyin edilir. Bu nə zaman olacaq bu artıq Mərkəzi Seçki Komissiyasının qərarından sonra bəlli olacaq".

Telegramda izləyin

instagramda izləyin