Şəkidə 23 yaşlı gəlin qonaq getdiyi evdən qaçdı - MÜƏMMALI DETALLAR

Ötən gün Şəki rayonu Baş Zəyzid kəndində 23 yaşlı gəlin gecə saatlarında həyat yoldaşı ilə qonaq getdiyi evdən qaçıb.

Şəki rayon Baş Zəyzid kənd icra nümayəndəliyindən Publika.az-a verilən məlumata görə, 23 yaşlı Aygün Mustafayeva ailəsi ilə birlikdə Bakıda yaşayıb: "Hadisə haqqında geniş məlumatımız yoxdur. Çünki nə Aygün Mustafayeva, nə də həyat yoldaşı, 29 yaşlı Pərviz Abdullayev bizim kənd sakinləri olmayıblar. Onlar Bakı şəhərində yaşayırdılar. Oğlanın əmisi bizim kəndin sakinidir. Pərviz Abdullayev axşam ailəsi ilə birlikdə əmisini ziyarət etməyə gedib. Saat gec olduğundan əmisigildə qalmalı olublar. Eşitdiyimizə görə, gecə hamı yatdıqdan sonra gəlin pal-paltarın götürüb evdən çıxıb. Heç kim bilmir kiminlə gedib, hara gedib. Onların rəsmi nikahları olmayıb. Özlərini də tanımırdıq. Deyə bilmərik hansı səbəbdən gedib".

Nümayəndəliyin məlumatına görə, Pərviz Abdullayevin atası deyib ki, övladları olmadığı üçün Aygün nikaha razı olmayıb: "Pərviz Abdullayev 6 ildir o xanımla evli olub. Rəsmi nikahı isə Aygün Mustafayeva özü istəməyib. Hadisə ilə bağlı Şəki rayon Polis Şöbəsinə müraciət olunub. Axtarışlar aparılır".

***
Şəki rayonunun Baş Zəyzid kənd sakini Aygün Mustafayeva gecə saatlarında evdən qaçıb.

Sonxeber.az Xezerxeber.az-a istinadən məlumat verir ki, kənd sakini 29 yaşlı Pərviz Abdullayev alti il əvvəl 23 yaşlı Aygün Mustafayeva ilə ailə həyatı qurub.

Onlar bu müddət ərzində Baş Zəyzid kəndində yaşayıblar. Aprelin 26-da qadın həyat yoldaşı ilə birlikdə ərinin əmisinin evinə qonaq gedib.

Gecə orada qalmalı olublar. Gecə saatlarında Aygün Mustafayeva əşyalarını götürüb, ailə üzvləri şübhələnməsin deyə, paltarın üstündən yataq paltarlarını geyinərək həyətə çıxıb.

Ev sahibi Ələddin Abdullayev deyir ki, həyətdən səs gəlib, qadının əri Pərvizi oyadıb. Məlum olub ki, Aygün Mustafayeva üstdən geyindiyi paltarları çıxarıb, həyətin aşağı hissəsinə atıb və çəpərdən keçərək naməlum istiqamətdə gedib.

Qadının qayınatası İsa Abdullayev bildirib ki, onların rəsmi nikahı olmayıb. Onun hansı istiqamətə getdiyi məlum deyil. O bildirib ki, Aygünün valideynləri boşanıb.

Hadisə ilə bağlı Şəki rayon polis şöbəsinə müraciət olunub. Faktla bağlı araşdırma aparılır.

Telegramda izləyin