ABŞ İrana görə Azərbaycana sanksiya tətbiq edə bilərmi? – EKSPERTDƏN RƏY

ABŞ İrana görə Azərbaycana sanksiya tətbiq edə bilərmi? – EKSPERTDƏN RƏY"Azərbaycan dövlət olaraq ABŞ-ın İrana qarşı tətbiq etdiyi sanksiyaları pozmur".

Bunu Sonxeber.az-a iqtisadçı ekspert Əkrəm Həsənov ABŞ-ın İranla ticari və iqtisadi əlaqələr saxlmasına görə Azərbaycana sanskiya tətbiq etmə ehtimalını şərh edərkən deyib.

Xatırladaq ki, ABŞ İranla nüvə sazişindən çıxdıqdan sonra bu ölkəyə qarşı sanksiyaları bərpa edib və bu sanksiyaları pozan ölkə və şirkətlərə xəbərdarlıq edib.

Onun sözlərinə görə, Azərbaycandan kimsə fərdi şəkildə həmin sanksiyaları poza bilər: "Lakin hesab edirəm ki, bu halda da ABŞ məsələni ciddiləşdirməz. Çünki Azərbaycan Amerika üçün çox ciddi əhəmiyyətli dövlətdir. Bizim əsas üstünlüyümüz ondan ibarətdir ki, rəsmi Bakı balanslaşdırılmış xarici siyasət aparır. Buna görə də ABŞ ölkəmizə çox təzyiq etmək istəmir ki, rəsmi Bakı Rusiyaya daha çox meyilli olmasın. Eyni sözləri də rəsmi Moskva barəsində də demək olar. Bu baxımdan düşünürəm ki, ABŞ İranla ticari-iqtisadi əlaqələrimizə görə Azərbaycana sanksiya tətbiq etsin".

ABŞ-ın İrana qarşı sanksiyalarının Bakı-Tehran arasında iqtisadi əlaqələrə təsirinə gəlincə, Ə. Həsənov deyib ki, ticarət əlaqələrimiz həmin sanksiyaların əhatə dairəsinə düşmür: "Digər tərəfdən ABŞ-ın İrana qarşı mövcud və gələcək sanksiyaları neftin dünya bazarında qiymətlərini artırır. Bu da Azərbaycanın xeyrinədir. Neftin dünya bazar qiyməti nə qədər yüksək olarsa, bu, Azərbaycanın xeyrinədir, çünki ölkəyə daxil olan valyutaların həcmi artır. Bu baxımdan sanksiyaların Azərbaycana bəlkə də xeyri olduğunu düşünmək lazımdır".

ABŞ-ın İrana qarşı sanksiyaların tətbqinin Azərbaycan-İran arasında birgə layihələrin reallaşdırılmasının ləngiməsinin mümkünlüyünə toxunan ekspert bu fikirlə də razılaşmayb: "Azərbaycan İran ərazisindəki Astara-Rəşt dəmir yolunun tikintisinin reallaşdırılmasına 500 milyon dollar ayıracaq. Bundan başqa İranın Astara şəhərində dəmiryolu tikiləcək. Bu stansiyanın tikintisi 60 milyon dollar təşkil edəcək və Azərbaycan bu həcmi də ödəyəcək. Bizim bu sahələrə vəsait qoymağımız sanksiyaların layihələrin həyata keçirilməsininin yubanmayacağı anlamına gəlir".

O diqqətə çatdırıb ki, ümumiyyətlə ABŞ-ın İrana qarşı tətbiq etdiyi sanksiyaların Azərbaycan-İran arasında ticari-iqtisadi əlaqələri ciddi təsiri olmayacaq: "Əsas odur ki, İranla ABŞ və ya İranla İsrail arasındakı gərginlik müharibə həddinə çatmasın. Bu olarsa, Azərbaycan üçün çox pis nəticələr verə bilər. Sərhədlərimizdə baş verdiyinə görə münaqişə ölkəmizin ərazisinə də sıçraya bilər, digər tərəfdən qaçqın axınını da unutmaz olmaz".

Məftun Salmanov

İqtisadiyyat   Baxılıb: 580   Tarix: 15 may 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR