Deputat: Seyidovun istefası ermənilərin iştahasını artıracaq

Deputat: Seyidovun istefası ermənilərin iştahasını artıracaqAzərbaycanın Avropa Şurası Parlament Assambleyasındakı (AŞ PA) nümayəndə heyətinin rəhbəri Səməd Seyidovun tutduğu vəzifədən istefa verməsi ermənipərəst qüvvələri iştahasını artıracaq.

Bunu Sonxeber.az-a Milli Məclisin depuatı Elman Nəsirov AŞ PA-nın S. Seyidova sanksiya tətbiq etməsinə və onun istefaya getməsinə dair fikirlərə münasibət bildirirkən deyib.

Onun sözlərinə görə, 1949-ci il may ayının 5-də yaradılan Avropa Şurasının (AŞ) əsas funksiyası Avropa məkanında hər bir vətəndaşın hüquq və azadlıqlarını müdafiə etməkdir: "Bu nöqteyi-nəzərdən Azərbaycan Avropa ŞurasınA daxil olarkən üzərinə ölkə qanunvericiliyini Avropa Şurasının tələblərinə uyğunlaşdırmaq, xüsusən hüquqi sahədə islahatlar həyata keçirmək kimi öhdəliklər götürüb. Azərbaycan ümummilli lider Heydər Əliyevin müəyyənləşdirdiyi siyasi kursdan irəli gələrək bu istiqamətdə ciddi addımlara imza atıb, üzərinə götürdüyü öhdəlikləri ləyaqətlə yerinə yetirib və yerinə yetirməkdədir".

Deputat təəssüfləndiyini bildirib ki, Azərbaycan qarşı tərəfin analoji addımlarının şahidi olmayıb: "Məsələn, hətta bir insanın hüquqlarını müdafiə etməli olan təşkilat 1 milyondan çox azərbaycanlı qaçqın və məcburi köçkünün taleyinə tam biganə qaldı, onları qaçqın və məcburi köçkün vəziyyətinə salan Ermənistana münasibətdə heç bir təsir mexanizmini yaratmadı və işə salmadı. Biz dəfələrlə şahidi olmuşuq ki, AŞ PA-da Azərbaycanla bağlı qərəzli yanaşmalar ortaya qoyulub".

E. Nəsirov hesab edir ki, S. Seyidov keçirdiyi mətbuat konfransında ona qarşı tətbiq edilmiş sanksiyanın arxasında əslində nəyin dayandığını açıqlayıb və məsələnin əsl mahiyyətini göstərib: "Seyidov faktlarla, arqumentlərlə əsaslandırdı ki, bu, qərəzli siyasətdir, ikili standartların nəticəsidir. Azərbaycanı ona görə təzyiq tərəfi kimi seçirlər ki, ölkə apardığı müstəqil siyasət kursundun vaz keçsin. Sanksiyaların tətbiqi heç bir halda düzgün deyil, Azərbaycanın AŞ PA ilə münasibətlərinə bugünkü reallığına və perspektivlərinə kölgə salan bir amildir".

Sanksiyaların müəyyən məhdudiyyətləri nəzərdə tutduğunu diqqətə çatdıran millət vəkili deyib ki, bütövlükdə Azərbaycanın AŞ PA-dakı nümayəndə heyəti bütün imkanlardan, yəni söz demək, mövqe bildirmək və səs vermək kimi hüquqlardan tam şəkildə istifadə edəcək: "Saskiya Seyidova münasibətdə 2 il müddətinə nəzərdə tutulmuş addımdır. Əslində ermənilərin mövqeyininin nəticəsidir ki, S. Seyidova qarşı sanskiya tətbiq edilib. Bu, artıq AŞ PA-nın ermənipərəst mövqeyinin ifadəsidir. Biz bunu AŞ rəhbərliyi səviyyəsində də dəfələrlə bunu görmüşük".

Onun sözlərinə görə, Azərbaycan AŞ PA ilə əməkdaşlığın inkişafında və dərinləşdirilməsində maraqlı tərəfdir: "Çalışmalayıq ki, AŞ PA belə bir addım atılmasının ikitərəfli münasibətlərə zərər vuracağının fərqində olsun. AŞ PA unutmamalıdır ki, qoca qitəni təmsil edən şuradır. Ancaq qocalıq daha çox müdriklik anlamında olmalıdır. Təəssüf ki, AŞ müdriklik anlamında deyil, qocalmış və yenilənmək istəməyən bir qitənin qurumu kimi davranır.

S. Seyidovun AŞ PA-dakı nümayəndə heyətinin rəhbəri vəzifəsindən gedib-getməməsi məsələsinə gəlincə, E. Nəsirov bildirib ki, S. Seyidovun AŞ PA-da olmasının və ya olmamasının Azərbaycana gətirəcəyi dividentlər ətraflı müzakirə edilməlidir: "Əslində Seyidov son 17 il ərzində AŞ-da çox akti fəaliyyət göstərib, hətta AŞ PA-nın vitse-prezidenti olub. AŞ PA məkanında nüfuzu şəxsərdən biri hesab olunur və həmişə də mövqeyini açıq şəkildə ifadə edib. Keçən çıxışların birində demişdi ki, biz Avopa Şurasının hamımızın Avropa Şurası olmasını istəyirik. Amma belə olmadı. AŞ ayrı-ayrı şəxslərin, dövlətlərin və maraqların şurası oldu. AŞ PA münaqişə, Ermənistanın təcavüzü, 1 milyondan çoc qaçqın və məcburi köçkünün taleyi ilə bağlı real addım atmadı, Ermənistana heç bir təzyiq göstərmədi. Siz güman edirsiniz ki, Seyidovun AŞ PA-da təmsil olunmaması qurumun Azərbaycana münasibətdə siyasətində dəyişikliyəmi gətirəcək? AŞ riyakar və ikili standartlar siyasətinə dəyişiklik edəcəkmi, əlavələr edəcəkmi? Mən buna inanmıram. Əslində bu mövqeyi seçən ermənipərəst qüvvələr bir qədər də ruhlana bilərlər ki, təzyiq tərəfi kimi Seyidovu seçdilər və istədiklərinə nail oldular. Bu onlarda iştah yarada, onların iştahlarını artıra bilərlər. Bütün bu amilləri nəzərə almaq lazımdır".

Məftun Salmanov

Siyasət   Baxılıb: 1019   Tarix: 17 may 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR