Bakıda hicablı xanıma od vurub yandırdılar

Bu gün günorta saatlarında Bakının Nəsimi rayonunda cinayət hadisəsi baş verib.

Hadisə şahidlərinin Anons.az-a verdiyi məlumata görə, Cavadxan 40 ünvanında yerləşən mağazada satıcı işləyən 20-25 yaşlarında gənc xanım naməlum şəxs tərəfindən yandırılıb.

Hadisə şahidlərinin sözlərinə görə, içəri daxil olan bıçaqlı şəxs əvvəlcə mağazadakı insanları hədələyib, daha sonra özü ilə gətirdiyi benzini gənc qızın üzərinə tökərək od vurub.

Zərərçəkən təcili yardımla xəstəxanaya çatdırılıb. Onun vəziyyətinin orta-ağır olduğu bildirilir.

Qeyd edək ki, gənc xanım hicablı olub. Hadisəni törədən şəxsin isə həmin xanımla şəxsi tanışlığı olduğu deyilir.

Fakt Nəsimi Rayon Polis idarəsi tərəfindən araşdırılır və hazırda hadisə yerində əməliyyat qrupu işləyir

Telegramda izləyin

instagramda izləyin