Putin Paşinyanı təlimatlandırır - Oynanılan kart Qarabağ kartıdır - VİDEO

Rusiya Paşinyanı Qarabağ danışıqlarına dəvət etməklə öz mənafeyini qorumağa çalışır.

Sonxeber.az bildirir ki, bu sözləri axar.az-a açıqlamasında politoloq Arzu Nağıyev deyib. Ekspert bildirib ki, Paşinyan hakimiyyətə gələndə hər kəs danışıqlar prosesinin davam etməyəcəyi qənaətində idi:

"Sərkisyanın tərəfdarları belə fikirləşirdilər ki, Paşinyan Qərbin adamı olduğundan Rusiyanın dedikləri ilə oturub durmayacaq. Hətta bu üzdən onu Dağlıq Qarabağ məsələsində bir satqın kimi qələmə verməyə başladılar. Lakin Paşinyan ilk səfərini Qarabağa etməklə oynanılan kartın məhz Dağlıq Qarabağ kartı olduğunu bir daha göstərdi. Ancaq o, Dağlıq Qarabağda baş verən prosesləri Sərkisyan qədər bilmir, ona görə də sələfi ilə görüşməyə hazırdır. Rusiya isə Paşinyanı Qarabağ danışıqlarına dəvət etməklə öz mənafeyini qorumağa çalışır. Çünki danışıqlar prosesinin baş tutmaması bütövlükdə bölgənin təhlükəsizliyinə bir təhdiddir. Qərb də bunun əleyhinə olaraq Rusiyaya daha böyük sanksiyalar tətbiq edə bilər. Digər tərəfdən, Dağlıq Qarabağ məsələsi müsbət həll olunarsa, Rusiya artıq öz nüfuzunu itirmiş olacaq. Moskva da İrəvanı danışıqlar prosesi ilə bağlı məhz buna görə təlimatlandırıb".

Telegramda izləyin

instagramda izləyin