"Real"da şok istefa - YENİLƏNİB

Real"ın baş məşqçisi Zinəddin Zidan istefa qərarı ilə bağlı danışıb.

Sonxeber.az goal.az-a istinadən xəbər verir ki, fransalı mütəxəssis bunları deyib:

"Bizim etdiklərimiz inanılmazdır. Bu, tarixin bir hissəsi olmaq gözəldir. Belə şeyləri təsəvvür etmək çətindir. "Real"ın baş məşqçisi kimi davam etməmək qərarına gəldim. Bu komanda qələbələrə davam etməlidir. Ona yeni məşqçi qərarları lazımdır. Burda işləmək imkanı yaratdığı üçün klub prezidentinə təşəkkür edirəm".

Zidan 2016-cı il yanvarın 4-də Rafael Benitezin əvəzinə "Real"a baş məşqçi təyin olunmuşdu.
**
İspaniyanın "Real Madrid" klubunun baş məşqçisi Zinəddin Zidan istefa qərarı qəbul edib.

46 yaşlı mütəxəssis qərarını bu gün keçirəcəyi mətbuat konfransında rəsmən açıqlayıb. Jurnalistlər önünə klub prezidenti Florentino Peres də çıxıb.

Qeyd edək ki, Zinəddin Zidan "Real Madrid"ə 4 yanvar 2016-cı ildə Rafael Benitesin əvəzinə baş məşqçi təyin olunub. Fransalı mütəxəssisin rəhbərliyi altında "kral klubu" İspaniya çempionu, ölkə Super Kubokunun, 3 dəfə Çempionlar Liqasının, 2 dəfə UEFA Super Kubokunun qalibi və 2 dəfə klublararası dünya çempionu olub.

Report

Telegramda izləyin

instagramda izləyin