Gəncədə məktəblilərin QANLI DAVASI: ürəyindən vurdu - ŞOK TƏFƏRRÜAT

Gəncə şəhərində 11-ci sinif şagirdini öldürməkdə təqsirli bilinən Tural Tağıyev və xuliqanlıqda təqsirli bilinən Fərid Vəliyevin cinayət işi üzrə məhkəmə prosesi başlayıb.

Bu gün Gəncə Ağır Cinayətlər Məhkəməsində hakim Dadaş İmanovun sədrliyi ilə baş tutan prosesdə təqsirləndirilən şəxslərin anket məlumatları dəqiqləşdirilib.

İttihama görə, bu il fevralın 13-də 11-ci sinif şagirdi, 2001-ci il təvəllüdlü Elnur Bağırov Gəncə şəhəri, Tağı Arani küçəsində ürəyindən bıçaqlanıb.

Elnur Bağırov xəstəxanaya yerləşdirilsə də, həkimlər onu xilas edə bilməyib.

Hüquq-mühafizə orqanları əməkdaşlarının həyata keçirdikləri əməliyyat tədbirləri nəticəsində məlum olub ki, Elnur Bağırov onun həmyaşıdı, 2001-ci il təvəllüdlü Tural Tağıyev tərəfindən qətlə yetirilib. Cinayəti törədən şəxs saxlanılıb.

İstintaq müəyyən edib ki, Tural Tağıyev qətli tək törətməyib. Həmin vaxt hadisə yerində Tural Tağıyevin digər həmyaşıdı Fərid Vəliyev də olub. Və o, qətli onunla birlikdə törədib.

Rəsmi açıqlamaya görə, qətli törədən Tural Tağıyev 39 saylı orta məktəbin rus bölməsinin 10-cu sinif şagirdi, qətlə yetirilən Elnur Bağırov isə 42 saylı orta məktəbin Azərbaycan dili bölməsinin 11 A sinfinin şagirdi olub.

Məlum olub ki, məktəblilər arasında mübahisə hadisədən bir gün əvvəl, axşam saatlarında sosial şəbəkədə yaranıb. Məktəblilər sonra "haqq-hesab" çəkmək üçün növbəti günə görüş təyin ediblər.

Onlar ertəsi gün, yəni fevralın 13-də, saat 12-də şəhərin Tağı Arani küçəsində görüşüblər.

Həmin vaxt Tural İsmayılov hadisə yerinə tək gəlməyib. Dostu ilə birlikdə vəd olunan yerə gələn Tural İsmayılovun Elnur Bağırovla mübahisəsi yenidən düşüb.

Mübahisə zamanı Tural İsmayılov dostu ilə birlikdə Elnur Bağırovu döyüb. Bu zaman Tural özündə olan bıçaqla Elnur Bağırovun ürək nahiyəsindən vurub.

İstintaq orqanı tərəfindən Tural İsmayılovun barəsində Cinayət Məcəlləsinin 120.2.2-ci (xuliqanlıq niyyəti ilə adam öldürmə), 221.3-cü (xuliqanlıq) maddələri ilə, Fərid Vəliyevin barəsində isə Cinayət Məcəlləsinin 221.3-cü maddəsi ilə ittiham elan edilib.

publika.az

Telegramda izləyin

instagramda izləyin