Ərdoğandan Putinə S-500 təklifi

Ərdoğandan Putinə S-500 təklifiTürkiyə prezidenti Rəcəb Tayyib Ərdoğan rusiyalı həmkarı Vladimir Putinə etdiyi təklifindən danışıb. Türkiyəli lider Rusiya ilə S-500 zenit-raket kompleksini birgə istehsal etmək istəyir.

Sonxeber.az oxu.az-a istinadla xəbər verir ki, bununla bağlı "Anadolu" agentliyi məlumat yayıb.

"Rusiya bizə S-400-lər üçün çox uyğun şərtlər altında kredit verdi. İkinci və üçüncü mərhələdə biz birgə istehsala başlayacağıq. Ola bilsin ki, birlikdə S-500 kompleksləri də istehsal edək", - Ərdoğan deyib.

Liderlər arasında danışıqların nə vaxt baş tutduğu və Putinin hansı reaksiya verdiyi açıqlanmır.

Ötən ilin sentyabrında Moskva və Ankara Türkiyəyə S-400 komplekslərinin satışı ilə bağlı saziş imzalayıblar.

Razılaşmanın ümumi dəyəri 2,5 milyard dollardır. Bunun yarısını Türkiyə Rusiyanın verdiyi kredit hesabına ödəyəcək.

Dünyada   Baxılıb: 870   Tarix: 14 iyun 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR