Anar məhkəmədə keçmiş arvadına uduzdu

Reper Anar Nağılbazın keçmiş həyat yoldaşı Anjelika Cəbiyeva məhkəmədə qalib gəlib.
Sonxeber.az xəbər verir ki, Axşam.az-a açıqlama verən Anjelika bildirib ki, məhkəmə qərarına əsasən, reper övladlarına aliment ödəməlidir:

"Anar artıq neçə ildən sonra övladlarıma aliment ödəyəcək. Uşaqlarımın haqqını tələb etdim və məhkəmədə qalib gəldim. Hər övladıma ayda 154 manat pul ödəniləcək. Bundan sonra daha bir iddia qaldıracam. Bu isə uşaqlarımın evlə təmin olması olacaq. Keçmiş qayınatam Rizvan Cəbiyev deyir ki, Anarın evi yoxdur. Amma Anar evlənəndə dövlət başçısı onu evlə təmin etmişdi. Rizvan bəy sonra o evi satdı və özünə başqa ev aldı. İnanıram ki, növbəti məhkəmədə də qalib gələ biləcəm və övladlarımı yaşamaq üçün evlə təmin edə biləcəm".

Anjelika keçmiş qayınatasının onu "Bandotdel"ə şikayət etməsi məsələsindən də danışıb:

"Rizvan bəy məsələ ilə bağlı o qədər yerlərə zəng vurur, adamlara tapşırtdırır ki... Məsələ ilə bağlı tam qərar çıxmayıb. Amma orada da mənim günahsız olduğum sübut edilmişdi".

Telegramda izləyin

instagramda izləyin