Əməkdar artistdən şok açıqlama: "Gecəyarısı qumun üstündə kişiylə arvad..."

Son günlər ölkədə yaşanan enerji böhranı əməkdar artist, tanınmış aktrisa Nahidə Orucovadan da yan keçməyib.

Yenicag.az-a açıqlama verən aktrisa həyatının şokunu yaşadığını deyib:

"Hələ belə dəhşət görməmişdim. İki gündür işıqların sönməsi həyatımızı qaraldıb. Təsəvvür edin, 10-cu mərtəbədə yaşayan adam üçün liftsiz, işıqsız, havasız qalmaq nə deməkdir. Qonşuların çoxunun üstünə təcili yardım maşını gəldi. Gördüm dözə bilmirəm, vəziyyətim ağırdır, tez düşdüm həyətə. İki gün gecədən səhərə qədər küçələrdə qalmışıq. Dünən gecə də yığışıb getdik Novxanı çimərliyinə. Gecəyarısı dənizdə kişiylə arvad hamılıqla bir-birinə qarışdı. Kimi qumun üstünə uzanıb yatdı, kimi də elə suyun içində səhəri açdı. Allaha yalvarıram ki, bu gecə işıqlar keçməsin".

Telegramda izləyin

instagramda izləyin