Marsa addım atacaq ilk insan olmağa hazırlaşan 17 yaşlı qız – FOTO

Marsa addım atacaq ilk insan olmağa hazırlaşan 17 yaşlı qız – FOTOKosmosu kəşf etmək, digər planetlərə səfər etmək insanın ən böyük arzularından biridir.

Bir çoxumuz üçün kosmos çox uzaq olsa da, Marsa gedən yolda ilk addımlarını atan gənclər də var. Onlardan biri NASA-da kosmonavt olmaq üçün təhsil alan Alisa Karsondur. 17 yaşlı qızcığaz bacarığı, iti ağlı ilə artıq dünyanın diqqətini çəkməyi bacarıb.

17 yaşlı qız məktəblə dərsləri ilə yanaşı, NASA-nın təlim proqramında da iştirak edir. Onun ucsuz bucaqsız galaktikaya marağı və Marsa getmək arzusu 3 yaşında izlədiyi "The The Backyardigans" cizgi filmindən sonra yaranıb. Alisa 10 yaşından bəri NASA-nın düşərgələrində iştirak edir. 5 il ərzində 14 NASA mərkəz və düşərgəsində iştirak edərək NASA-nın pasport proqramını yerinə yetirib. Həmçinin, o "Advanced PoSSUM Academy" kosmos araşdırmaları kursundan məzun olan ən gənc insandır. Lisa çətin kosmonavtlıq təlimləri ilə birgə məktəbdə tədris edilən fənlərin hamısını 4 dildə – ingilis, fransız, çin və yapon dilində oxuyur.

Alisanın ən böyük məqsədi isə 2033-cü ildə həyata keçirilməsi planlaşdırılan "İlk insanlı Mars layihə"-sinin bir parçası olmaqdır. Bu proqramın əsas məqsədi insanlar üçün Marsda koloniya yarada bilməkdir. Belə görünür ki, Alisa 15 il ərzində 3 yaşından bəri xəyalını qurduğu Marsa addım atan ilk qadın ola biləcək. Mars səfəri baş tutarsa, geri qayıda bilməmək, uğursuzluğa uğramaq ehtimalı da olan Alissanın yaşıdlarına tək tövsiyəsi xəyallarının arxasınca qaçmalarıdır: "Hər zaman xəyallarınızın arxasınca gedin və icazə verməyin ki, kimsə bunu sizing əlinizdən alsın".

Minval.info

Maraqlı   Baxılıb: 686   Tarix: 12 iyul 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR