Qənirə Paşayeva: "Kefli İsgəndəri oynamaq istəyirdim"

Millət vəkili Qənirə Paşayeva "Space" telekanalında Kamran Həsənlinin aparıcılığıyla yayımlanan "Onda başladıq" verilişində maraqlı fikirlər səsləndirib.

"Ölkə.Az"ın məlumatına görə, Paşayeva altıncı sinifdə oxuyanda Kefli İsgəndər rolunu oynamaq istədiyini etiraf edib:

"Məktəbimizdə "Ölülər" əsərini səhnələşdirirdilər. Müəllimimə dedim ki, ya İsgəndər rolunu oynayacam, ya da cahil qadın obrazlarının heç birini oynamayacam. Oğlanlar dedilər ki, biz dura-dura bir qız niyə İsgəndəri oynamalıdır? Axşam evə gəlincə, bu söhbət atamın qulağına çatmışdı. Dedi ki, gəl, söhbət edək. Soruşdu ki, "Ölülər" əsərini yaxşı oxumusan? Dedim, iki dəfə oxumuşam. Dedi, səncə bu əsərin ölməzliyi nədədir ki, hər zaman aktualdır və aktual olacaq? Səncə Cəlil nə demək istəyirdi? Təbii ki, fikrimi bir cümləylə ifadə edə bilmədim. Cahillik, cəhalət, xurafat dedim. Atam dedi ki, qızım, "Ölülər"dəki təsvir olunanlar cahillərin yox, ağıllıların faciəsidir".
Qeyd edək ki, "Onda başladıq" verilişinin informasiya dəstəkçisi "Ölkə.Az" saytıdır.

Telegramda izləyin

instagramda izləyin