Rezin qayıqla dənizə çıxan yeniyetmələrin son anları və ölüm səbəbi - TƏFƏRRÜATLAR

Rezin qayıqla dənizə çıxan yeniyetmələrin son anları və ölüm səbəbi - TƏFƏRRÜATLARBu il aprelin 18-də səhər saat 12.00 radələrində 2001-ci il təvəllüdlü Nüsrət Nəzərov və dostu, 2003-cü il təvəllüdlü Adil Cəbiyev rezin qayıqla Sumqayıt şəhəri Xəzər bağları istiqamətində dənizə çıxıblar.

Sonxeber.az APA-ya istinadən xəbər verir ki, həmin gün onların qayıqla dənizə çıxacaqları barədə valideynləri məlumatsız olub. Yalnız axşam saatlarında 17 yaşlı N. Nəzərov və 15 yaşlı A. Cəbiyevin evə qayıtmamasından narahat olan valideynlər onların axtarışına başlayıb.

N.Nəzərovun anası Nazilə Məmmədova polisə müraciət edib. Polisə müraciətində isə uşaqların "Gəmiqaya" adlanan ərazidən rezin qayıqla dənizə çıxdığını ehtimal etdiyini bildirib ...

Mayın 24-də Xəzərdə Neft Daşları yaxınlığında N. Nəzərov və A.Cəbiyevin cəsədlərinin olduğu rezin qayıq aşkarlanıb.

Bura qədəri faciəli bir hadisə barədə xəbərdir.

Valideyn nə deyir...

Məsələni yenidən medianın gündəminə gəlməsinə səbəb isə iyulun 12-də yenidən sosial şəbəkədə və daha sonra isə bəzi saytlarda bu barədə yazı yazılması olub. Yazıda qeyd olunub ki, yeniyetmələrin ölümünə səbəb polis və xilasedicilərin onları vaxtında axtarmamaları olub. A.Cəbiyevin atası Müşfiq Cəbiyev da deyib ki, polis və xialsedicilər axtarışlara vaxtında başlamayıb, iki gündən sonra axtarışlar sahildə aparılıb, bir neçə gün sonra isə fövqəladə hallar nazirinin müavini Faiq Tağızadə onları qəbul etdikdən sonra axtarışa vertolyot cəlb edilib. M.Cəbiyev inanır ki, uşaqlar vaxtında axtarılsa, sağ tapıla bilərdilər. Arqument də budur ki, onlar bir neçə gün qayıqda sağ qalıblar, bir-birinə qısılıblar, ayaqqabıları ilə də dəniz suyu içiblər. "Uşaqların ayaqqabılarında dəniz suyu içdiklərini" isə onlara balıqçılar deyiblər. Yeniyetmələr bir-birinə qısılmış vəziyyətdə olublar.

Əslində necə olub?

Aprelin 18-də saat 21:47-də FHN-nin Böhran Vəziyyətlərində İdarəetmə Mərkəzinə DİN-in 102 xidmətindən Nazilə Məmmədova adlı şəxsin iki yeniyetmənin evdən çıxıb geri qayıtmamaları və onların "Gəmiqaya" adlanan ərazidən rezin qayıqla dənizə çıxdığını ehtimal etdiyi barədə məlumat daxil olub.

Məlumat dərhal Kiçikhəcmli Gəmilərə Nəzarət və Sularda Xilasetmə Dövlət Xidmətinin növbətçi hissəsinə ötürülür. Qəbul olunmuş məlumat növbətçi inspektor tərəfindən dərhal - saat 21:49-da həmin ərazilərdə xidmət aparan aidiyyati Novxanı və Corat Sularda Xilasetmə Məntəqələrinə (SXM) ötürülüb. Daha sonra növbətçi hissənin inspektoru məlumatın doğruluğunu təsdiq etmək üçün saat 21:54-də özü Nazilə Məmmədova ilə telefon əlaqəsi yaradıb. Yəni, FHN əməkdaşları ailənin müraciətini gözləmədən hadisə baş verən gecə özləri ailə üzvlərinə zəng eidblər.

N.Məmmədova növbətçi inspektorla telefonla danışığı zamanı oğlu N.Nəzərovun vaxtaşırı hava ilə doldurulan rezin qayıqla "Gəmiqaya" adlanan ərazidən dənizə çıxdığını və onun mobil telefonuna zəng çatmadığı üçün heç bir dəqiq məlumatı olmadığını bildirib. Novxanı SXM-nin rəisi daxili xidmət sıravisi Ramin Qurbanov məlumat verilmiş əraziyə gedib, vizual baxış keçirib, ərazidə yerləşən "Gəmiqaya" restoranın sahibi ilə görüşüb, həmin restorana məxsus təhlükəsizlik kamerasının görüntülərinə baxıb, bu ərazidə hər hansı rezin qayığın dənizə çıxmadığı məlumatını alıb. Bu barədə də saat 22:10-da xidmətin növbətçi hissəsinin növbətçisinə məlumat verib. Məlumat aidiyyatı üzrə FHN Böhran Vəziyyətlərində İdarəetmə Mərkəzinə ötürülüb. Məlumatın doğruluğu təsdiqini tapmadığı üçün Xidmət tərəfindən axtarışlar dayandırılıb.

Kiçikhəcmli Gəmilərə Nəzarət və Sularda Xilasetmə Dövlət Xidmətinin rəisi, daxili xidmət polkovniki Rüfət Fərhadov açıqlamasında bildirib ki, qəbul olunmuş məlumat həmin gün gecəyə təsadüf etdiyindən və ehtimal olduğundan, həmçinin qeyri-sabit hava şəraiti səbəbindən axtarış xilasetmə tədbirləri yalnız vizual həyata keçirilib.

Hava şəraiti axtarış-xilasetmə işlərinə mane olub

Bu arada polis də uşaqların axtarışları davam etdirib, uşaqların keçdiyi yollarda kameralar yoxlanıb. Nəhayət, kameraların birində uşaqları çiyinlərində ağır çantalarla, qayıqla dənizə getdikləri görünüb və bununla da uşaqların rezin qayıqla dənizə çıxdıqları dəqiqləşib.

Kiçikhəcmli Gəmilərə Nəzarət və Sularda Xilasetmə Dövlət Xidmətinin xidməti məlumatında da qeyd edilir ki, aprelin 20-də saat 12:56-da FHN-nin 112 Çevik Reaksiya İdarəsi tərəfindən Kiçikhəcmli Gəmilərə Nəzarət və Sularda Xilasetmə Dövlət Xidmətinin növbətçi hissəsinə N.Nəzərovun təhlükəsiz şəhər kamerası vasutəsilə Sumqayıt şəhərinin dəniz istiqamətinə getməsinin görüntüsünün və hətta N.Nəzərovun dostu A.Cəbiyev ilə öz aralarında SMS vasitəsilə Sumqayıt şəhəri Xəzər bağları istiqamətində dənizə çıxdıqları haqqında yazışmanın əldə olunduğu bildirilib. Məlumat aidiyyati üzrə Sumqayıt SXM-nə ötürülüb.

Onu da qeyd edək ki, həmin SMS yazışmalarında N. Nəzərov və A.Cəbiyev Gəmiqaya adlanan ərazidə Sularda Xilasetmə Məntəqəsi olduğu üçün şəhərin Xəzər bağları istiqamətində dənizə çıxmalarının məqbul olduğunu bildiriblər.

Aprelin 21-də A. Cəbiyevin qardaşı Cabir də televiziyaya müsahibəsində Adilin kompüterinə müdaxilə edərək onun "Facebook" sosial şəbəkəsində dostu ilə yazışmalarını əldə etdiklərini bildirib.

Yazışmalarda onların Novxanı ərazisində FHN əməkdaşlarının onları saxlamalarından ehtiyat etdikləri və bunun üçün Sumqayıt şəhəri Xəzər bağları ərazisindən dənizə çıxmalarını qeyd etdiklərini bildirib.

Beləliklə, N. Nəzərov və A.Cəbiyevin rezin qayıqla Sumqayıt şəhəri Xəzər bağları istiqamətində dənizə çıxdıqları müəyyənləşib. 20-21 aprel tarixlərində Kiçikhəcmli Gəmilərə Nəzarət və Sularda Xilasetmə Dövlət Xidmətinin Bakı şəhəri və Abşeron rayonu üzrə kiçikhəcmli gəmilərə nəzarət şöbəsinin əməkdaşları və Sumqayıt, Novxanı, Corat Sularda Xilasetmə Məntəqələrinin növbədə olan əməkdaşları axtarışa cəlb edilib.

Aprelin 22-də isə Bakı DAQ tərəfindən saat 08.16-da Xəzər dənizində Corat, Sumqayıt, Yaşma, Siyəzən istiqamətində xilasedici qayıqlarla (2 ədəd 6 metr ölçüdə Bakı DAQ və Novxanı SXM-nə aid qayıq) axtarışlar aparılıb. Həmin gün Xəzər bağları istiqamətindən saat 09.32-də suya dalğıc enişi edilib, ehtimal olunan ərazidə xilasetmə axtarış işləri aparılıb və hava şəraiti ilə əlaqədar olaraq 16.20-də axtarış xilasetmə işləri dayandırılıb.

Xidməti məlumatda o da qeyd edilir ki, aprelin 23-də N. Nəzərovun qohumları (atası, babası) fövqəladə hallar nazirinin müavini, tibb xidməti general leytenantı Faiq Tagı Zadənin qəbulunda olub və axtarışa helikopterlərin cəlb edilməsi üçün xahiş ediblər. Daha sonra N. Nəzərovun atası və babası Kiçikhəcmli Gəmilərə Nəzarət və Sularda Xilasetmə Dövlət Xidmətinin rəisi, daxili xidmət polkovniki Rüfət Fəradovun qəbulunda olub. Rüfət Fəradov bu günə qədər həyata keçirilmiş axtarış-xilasetmə tədbirləri haqqında geniş məlumat verib.

Aprelin 23-də xilasetmə işlərinə FHN-nin Aviasiya Dəstəsinin Mİ-17 helikopteri cəlb edilib. Helikopter vasitəsilə axtarış xilasetmə işləri müsbət nəticə vermədiyindən və artıq qayığın Kiçikhəcmli Gəmilərə Nəzarət və Sularda Xilasetmə Dövlət Xidmətinin xidmət ərazisindən uzaqda olma ehtimalını nəzərə alaraq, 23 apreldən 24 mayadək göstərilən istiqamətin sahilboyu ərazilərində vizual axtarışların aparılması davam etdirilib…

Onu da qeyd edək ki, N. Nəzərovun anası Nazilə Məmmədova 18 yaşı tamam olmadığı və qayıqla bağlı sürücülük hüququ olmadığı halda, oğlunun ekstremal idman növlərinə marağı olduğu üçün ona rezin qayıq alıb. Həm də qanunvericiliyə əsasən bu qayığın qeydiyyata alınması üçün Kiçikhəcmli Gəmilərə Nəzarət və Sularda Xilasetmə Dövlət Xidmətinə də müraciət edilməyib.

Hava necə olub?

Hadisə baş verən günlərdə Ekologiya və Təbii Sərvətlər Nazirliyi Milli Hidrometeorologiya Departamentinin həmin günlər üçün açıqladığı hava proqnozuna görə, küləyin sürəti saniyədə 16-18 metrə qədər çatıb, gecələr isə temperatur 10 dərəcəyə qədər düşüb. Dağalı dənizdə və belə temperaturda bu uşaqların 24 saatdan çox sağ qalması ehtimalı nə dərəcədədir?

Ekspertlər nə deyir?

Cəsədlər aşkarlanandan sonra Məhkəmə Tibbi Ekspertiza və Patoloji Anatomiya Birliyinə təhvil verilib. Ekspertlər cəsədlərin çürüdüyünü, müəyyən olunmuş cəsədlərin 36-37 gün öncəyə məxsus olduğunu qeyd ediblər.

Həkimlərin rəyinə görə, hava şəraiti və qayığa su dolması nəticəsində yeniyetmələrin maksimal yaşama müddəti 8-12 saat ola bilərdi.

Həmçinin, cəsədlər bir-birinə qısılmış və rezinə qayığa bağlanmış formada aşkar olunub. Bu da həmin vaxt dənizdə havanın həddən artıq soyuq, dənizin dalğalı olmasının göstəricisidir. Yeniyetmələr dalğanın rezin qayıqdan onları atmaması üçün özlərini qayığa bağlamağı çıxış yolu kimi görüblər. Ancaq bu da qaranlıq gecədə, dalğalı dənizdə və soyuq gecədə sağ qalmaq ehtimalını yüksəltmir. Görünür, soyuqda onları bir-birinə qısılmaq da xilas edə bilməyib və adətən, dənizdə kəskin soyuqdan baş verən tənəffüs orqanlarının iflası səbəbindən dünyalarını dəyişiblər.


Sonxeber.az Telegramda izləyin instagramda izləyin
Hadisə   Baxılıb: 2536   Tarix: 17 iyul 2018  

Şikayətiniz varsa Whatsapp: 051 7028255

Facebookda Paylaş


Ustalar.az ustalar sayti

Oxşar xəbərlər

.

TƏCİLİ! Azərbaycanda daha bir ZƏLZƏLƏ OLDU

İmişli rayonunda zəlzələ qeydə alınıb. Bu barədə -a Respublika Seysmoloji Xidmət Mərkəzindən xəbər verilib. Qeyd edilib ki, zəlzələ yerli vaxtla saat 23:49-da, Beyləqan stansiyasından 35 km şimal-şərqdə, İmişli rayonunda qeydə alınıb. Zəlzələnin maqnituası 3, dərinliyi 15 km olub

21 aprel
.

Azərbaycanda ZƏLZƏLƏ OLDU

Naxçıvan Muxtar Respublikasında zəlzələ olub. "Report" xəbər verir ki, saat 22:03-də qeydə alınan zəlzələ Naxçıvan MR ərazisində üç bala qədər hiss olunub. Yeraltı təkanlar təxminən 5-7 saniyə davam edib

20 aprel
.

Əhmədin "davamçıları": Övladlar niyə valideynlərinə qənim kəsilir?

Son günlər ölkədə "Əhməd sendromu" hökm sürür. Bu dəfə 200-ci il təvəllüdlü Fikrət Məmmədovun yaşadığı Sumqayıt şəhəri 41-ci məhəllə ünvanında aralarında yaranmış mübahisə zamanı 1962-ci il təvəllüdlü atası və anasına bıçaqla xəsarətlər yetirərək onları qəsdən öldürməsinə dair əsaslı şübhələ

21 aprel
.

Xaçmaz bazarında yanğın olub

Xaçmaz şəhərində yerləşən bazar ərazisində yanğın olub. Bu barədə Fövqəladə Hallar Nazirliyindən (FHN) məlumat verilib. Bildirilib ki, bazarda bir dam altında tikilən ümumi sahəsi 2500 m² olan 20 ədəd müxtəlif təyinatlı obyektdən 2 ədədinin dam örtüyünün taxta atmaları 215 m² sahədə və içərisində ik

21 aprel
.

Ağdaşda 53 yaşlı kişi özünü yandırdı

Ağdaşda 53 yaşlı kişi üzərinə benzin tökərək özünü yandırıb. "Unikal"ın məlumatına görə, hadisə Heydər Əliyev prospektində, "Səma" şadlıq sarayının qarşısında baş verib. 1971-ci il təvəllüdlü rayon sakini Fərrux Məhəmməd oğlu Qurbanov üzərinə benzin tökərək özünü yandırıb. Ətrafdak

20 aprel
.

Bakıda taxta bazarında baş verən yanğın məhdudlaşdırıldı - VİDEO

Bakı şəhərinin Nərimanov rayonunda "Taxta bazarı" adlanan ərazidə baş verən yanğın məhdudlaşdırılıb. xəbər verir ki, bu barədə Fövqəladə Hallar Nazirliyi (FHN) məlumat yayıb. Bildirilib ki, Nazirliyin Dövlət Yanğından Mühafizə Xidməti tərəfindən həyata keçirilmiş zəruri və təxirəsalınmaz tədbirlə

20 aprel
.

Gürcüstanda yol qəzalarının sayı rekord həddə çatıb

2023-cü ildə Gürcüstanda qeydə alınan yol qəzalarının sayı 14% artaraq rekord həddə - 55,6 minə çatıb. "Report"un yerli bürosu xəbər verir ki, bu barədə Gürcüstan Statistika Komitəsi məlumat dərc edib. Buna baxmayaraq, qəzalarda həlak olanların sayı 7 310 nəfərə düşüb ki, bu da əvvəlki ill

14 aprel
.

Zaqatalada 76 yaşlı qadın intihar edib

Zaqatalada 76 yaşlı qadın intihar edib. APA-nın məlumatına görə, hadisə rayonun Muğanlı kəndində qeydə alınıb. Kənd sakini 1948-ci il təvəllüdlü Hürü Əhməd qızı Yusubovanın meyiti yaşadığı evin həyətyanı sahəsindəki qoz ağacından asılı vəziyyətdə ailə üzvləri tərəfindən aşkar edilib. İlkin araşdırm

21 aprel
.

Tərtər-Bakı avtobusunda təhlükəli anlar: Anidən avtobusun sükanı əsməyə başladı - VİDEO

Azərbaycanda sərnişin avtobusunda təhlükəli anlar yaşanıb. xəbər verir ki, hadisə Tərtər-Bakı üzrə işləyən nəqliyyat vasitəsində qeydə alınıb. Belə ki, nəqliyyat vasitəsinin sükanı anidən əsməyə başlayıb. Bu, texniki problem üzündən baş verib. Sürücünün soyuqqanlı davranışı avtobusun qəzaya düşməsini

15 aprel