"Ananız nə edir indi, bala?" - Azərbaycanlı müğənni faciəvi qəzada ölən xanəndələrimizə ağladı

Xəbər verdiyimiz kimi, 2015-ci ildə təşkil edilən "Televiziya Muğam Müsabiqəsi"nin finalçıları Miriyusif Mirizadə (29) və Novruz Hüseynovun (28) Ağcabədi-Bərdə yolunda qəzaya düşərək həlak oldub.

Sonxeber.az BiG.AZ-a istinadən xəbər verir ki, gənclərin faciəvi ölümü sənətçiləri də dəhşətə gətirib. Müğənni Nigar Şabanova onların fotosunu paylaşaraq kədərini bu sözlərlə ifadə edib:

"Allah sizə rəhmət eləsin. Şokdayam. Qara torpaq, ağzın bağlansın. Ananız nə edir indi, bala? Dünya başıma döndü. Nə etibarsız dünyasan. Nə acımasız həyatsan. Söz tapmıram yazmağa, ürəyim paramparçadır. Elə bilirdiniz ki, bir yerdə dünyanızı dəyişəcəksiniz. Niyə belə bərk yapışdınız bir-birinizdən. Allah ailənizə səbr versin".

Telegramda izləyin

instagramda izləyin