Deputat: Birdə səhər durub gördük ki, "üzən məzənnə" siyasətinə keçilib

Milli Məclisin deputatı, iqtisadçı alim Vahid Əhmədov Azərbaycan Mərkəzi Bankının (AMB) İdarə Heyətinin qərarı ilə uçot dərəcəsi 10% səviyəsində, faiz dəhlizinin yuxarı və aşağı həddi buna simmetrik diapazonda +/-2% səviyyəsində (yuxarı həddi12%, aşağı həddi 8%) saxlanılmasına münasibət bildirib.

V.Əhmədov "Ölkə.Az"a açıqlamasında deyib ki, Mərkəzi Bankın bu qərarı çox doğru addımdır:

"Ümumiyyətlə, son vaxtlar Mərkəzi Bank çox normal pul-kredit siyasəti aparır. Mərkəzi Bank rəhbərliyi tərəfindən pul kütləsinə nəzarət qorunub saxlanılır. Bu isə müsbətdir".
Deputat qeyd edib ki, artıq Mərkəzi Bank "üzən məzənnə" siyasətinə keçməyə hazırlaşır:

"Birdə səhər durub gördük ki, "üzən məzənnə" siyasətinə keçilib. İnanmıram ki, bu il ərzində "üzən məzənnə"yə keçilsin. Yəqin ki, gələn il "üzən məzənnə"yə keçilə bilər. Bunun üçün müəyyən şərtlər mövcuddur. Birinci növbədə neftin qiyməti əsas rol oynayır. Əgər neftin qiyməti 70-75 dollar olarsa, əlbəttə ki, bunu həll etmək olar. Eyni zamanda qeyri-neft sektorundan gələn vəsaitin həcmi də çox yüksək olmalıdır. Pul kütləsinə nəzarət mexanizmi daha da şəffaf və sərt olmalıdır ki, xaricə valyuta axınının qarşısı alınsın. Yəni, burada bu kimi məsələlər olduğu üçün birdən-birə "üzən məzənnə"yə keçmək çox asan məsələ deyil. Burada müəyyən qədər ciddi risklər mövcuddur".

Telegramda izləyin

instagramda izləyin