Adnan Oktar və adamları insanların qanını...SENSASİON İDDİA

Adnan Oktar və adamları insanların qanını...SENSASİON İDDİAAdnan Oktar və onun əsas adamı Oktar Babuna ilə bağlı son dəqiqə xəbərləri gəlməyə davam edir.

Türkiyə mediasının yaydığı xəbərə görə, 19 il əvvəl O.Babuna Türkiyənin gündəminə girmişdi. Həmin vaxt yüz minlərlə insandan qan alma bəhanəsi ilə fizioloji məlumatları əldə edən O.Babunanın həmin məlumatları Amerikaya göndərdiyi bilinir. Genlərə həssas virus təhlükəsi indi Türkiyə üçün daha da aktuallaşıb.

Adnan Oktarla bağlı gerçəkləşdirilən əməliyyatdan sonra təşkilatın keçmişdəki fəaliyyətləri də gün üzünə çıxmağa başlayıb. Babunaya 19 il öncə uyğun olan sümük iliyi axtarılarkən toplanan qanların Amerikaya göndərilməsi məlum olub.

Ümumiyyətlə, Oktar Babuna adı 1999-cu ildə sümük iliyi köçürülməsi kampaniyası ilə tanınıb. Cərrahpaşa Tibb Fakültəsindən 1987-ci ildə məzun olandan sonra Amerikada işə başlayan Oktar Babuna, Türkiyəyə gəldiyi zaman xərçəngə yaxalandığını öyrənib. Oktar Babunanın atası professor Cavad Babuna, oğluna uyğun sümük iliyi tapılması üçün nüfuzundan da istifadə edərək, böyük bir kampaniyaya başlayıb.

Babuna ailəsi uyğun iliyin sahibinə o tarixdə 10 milyard lira mükafat veriləcəyini və könüllü şəxslərə pulsuz qan testi ediləcəyini deyib. Professor dokr Cavad Babunanın 1999-cu ilin martında dəstək istədiyi kampaniya qısa müddətdə geniş miqyas aldı.

Nəticədə 160 min nəfərən ilik və qan nümunəsi alındı. İstanbul Universiteti Tibb Fakültəsi Vəqfi və İstanbul Valiliyi tərəfindən banklarda açılan kampaniya hesablarına həmin dönəmin pulu ilə 440 miyar lira yardım edildi. Toplanan yardım pullarının Abdi İpekçi İdman Salonunda düzənlənən böyük qan vermə kampaniyasında istifadə edilən tibbi alətlərə xərcləndiyi, üstəlik, İstanbul Universiteti Tibb Fakültəsi vəqfinin dörd ayrı tibbi alət satan şirkətə təxminən 100 milyard liraya yaxın pulu öz kassasından ödədiyi açıqlandı.

Gündə orta hesabla 30 nəfərə test edilən İstanbul Tibb Fakültəsi Tibbi Biiologiya bölməsində gündə ən azı 100 nəfərə baxılması üçün bir kriz masası yaradılarkən professor doktor Mahmud Çarın müraciətləri cavabsız qoymamaq üçün Almaniyadan gələcək məhsullarla öz potensiallarını artıracaqlarını deyib. Amma çox keçmədən Babuna üçün başlanan kampaniya zamanı 160 min qan nümunəsindən 120 mininin itdiyi, türk xalqından toplanan qan və ilik nümunələrinin Amerika Birləşmiş Ştatlarına göndərildiyi ortaya çıxdı. Oktar Babunanın Adnan Oktar qrupu ilə əlaqələri olduğu da üzə çıxdı. Bu əməliyyatın "ağıl verənlərindən" biri də A.Oktar olub.

Həmin vaxt ölkənin MHP-li səhiyyə naziri Osman Durmuş aşağıdakı açıqlamanı vermişdi: "Qapı-qapı gəzib pul alırlar. Bu hadisə mənə ikinci Titan hadisəsini xatırladır. Qan nümunələrinin xaricə göndərilməsi, genetik şifrəmizin çözülməsi baxımdan Türkiyə üçün strateji təhlükə təşkil edir".

Nazir həmin vaxt bu layihəyə qarşı çıxdı və Türk xalqının gen xəritəsini ABŞ-ın əlinə keçdiyini açıqladı. O dönəm bu sözlərinə görə bəzi kəsimlərin hədəf taxtasına oturdulan Durmuş Türkiyədə toplanan qan nümunələrinin Connecticut yaxınlığındakı Stamfordda yerləşən "LifeCodes" adlı laboratoriyada girov saxlandığını, qan nümunələrinin Türkiyəyə qayarılmamasının "beynəlxalq dələduzluq" anlamını daşıyacağını söylədi.

Durmuşun açıqlamalarının ardınca istintaq başlayıb və toplanan ilik, qnaları ABŞ-dan qaytarılması üçün müəyyən cəhdlər edilib. Bu zaman Türkiyədə dayandırılan kampaniyanın Avstraliyada davam etdirməyə çalışılmasına görə hərəkətə keçən yetkililər Avstraliyadakı səhiyyə nazirliyinə də xəbərdarlıq edərək, kampaniyanın dayandırılmasına nail oldu.

Hadisədə Adnan Oktar izi

Səhiyyə Nazirliyi lösemi xəstəsi həkim Oktar Babunaya uyğun sümük iliyinin Amerikada aprel ayının əvvəlində tapıldığını, amma kampaniyanın dayandırılmaması üçün iyuna qədər cəmiyyətdən saxlandığını da deyib. Nazirlik Babunanın xəstəliyi üçün ilik nəqlinə ehtiyac olmadığını, bu günə qədər gördüyü dərman müalicəsi ilə xəstəliynin böyük ölçüdə gerilədiyi qənaətinə gəlmişdi. Nazirliyin müfəttişləri isə kampaniyanın "Adnan Hoca" olaraq tanınan Adnan Oktar yaxınları tərəfindən təşkilatlanıb davam etdiyi, İstanbul Tibb Fakültəsi Vəqfinin də bu məqsədlə "istifadə edildiyi" nəticəsinə gəldilər.

"Dövlət istəsə, bildiyimi danışaram"

Durmuş isə deyib ki, Oktar Babuna və Adnan Oktarla bağlı şikayətçi olmayacaq: "Artıq nazir və millət vəkili deyiləm. Keçmişdə, bu insanların qan nümunələrinin ABŞ-a satıldığını deyərkən səsimi eşitmək istəmədilər. Dövlət məlumatlarımdan istifadə etmək istəsə, bildiklərimi danışaram. Bunun xaricində fərdi olaraq hər hansı addım atmayacam".

Qan nümunələrinin Amerikaya göndərilməsinə qarşı çıxan həmin dönəmin səhiyyə naziri Osman Durmuş o günlər haqda "Milliyyet"ə belə danışıb: "Dünyada genetika ilə bağlı araşdırma aparan səkkiz laboratoriya var. Bu laboratoriyalardan ikisi əlindəki məlumatları kimsəylə paylaşmır. Babuna üçün toplana qan nümunələri də bu iki laboratoriyadan biri olan Stamfordda yerləşən mərkəzə göndərildi. Laboratoriya sahibləri həmin dönəmdə qanların qaytarılması və analiz məbləği olaraq 3.4 milyon dollar ödəmə tələb etdilər. Bu nümunələri Türkiyəyə gətirtmək üçün cəhdlərə başladlq, amma qaytarmadılar. Beynəlxalq Sümük İliyi Dəstək Laboratoriyasının sahibi Linda Mickle, 3.4 milyon dollaqlıq ödəmə tələbini özündə əks etdirən bir məktub yazmışdı".

"Sözlərimə gülüb, keçdilər"

"Gen xəritəsi bioloji müharibənin ön çalışmalarıdır. İraq müharibəsində ABŞ Hava Qüvvələri İraq hava sahəsinə qrip virusu atdı. İraq əsgərlərinin çoxu "əski" adı verilən xəstəliyə görə savaşma qabiliyyətini itirdi. Bu təhdid bizim ordumuz üçün də keçərlidir. Babuna üçün gerçəkləşdirilən kampaniya sonrası gen xəritəmiz çıxarıldı. Mümkün olacaq bir müharibədə bizim genlərimizə həssas virus yaradıb, türk əsgərlərində müharibə aparacaq güc qoymaya bilərlər. Bu təhdidlərə o zaman diqqət çəkdik. Kimlərsə gülüb keçdi, kimlərsə ciddiyə almadı, kimlərsə qarşı çıxdı. Həmi vaxt bəzi siyasətçilər də mənə qarşı çıxaraq "Belə çıxır ki, Qızılay da qan toplamasın?" dedilər.

Həmin vaxt ABŞ-dakı laboratoriyanın nümayəndələrini Türkiyəyə dəvət etdim. Amerikalı heyət Babuna üçün toplanan qan nümunələrinin bir məlumat bankında toplanıb, ehtiyacı olanlara verilə biləcəyini dedilər. Amma bu iş üçün bizdən 3 milyon dollar istədilər. Bu cür alverin içərisində olmayacağımızı söylədim. Bizim quracağımız məlumat bankına qan nümunələrini verərərsə, hər kəsin 50 dollar qarşılığında bundan yararlanacağını dedim. Amma bu təklifimizə müsbət reaksiya verməməklə yanaşı, rəqəmi yüksəltməyə çalışdılar. Biz də alver etmə haqqımızın olmadığını dedik. Nəticədə xalqımızın genetik məlumatarı amerikalıların əlinə keçdi. O dönəm prokurorluğa da yazdıq, amma maraqlanan olmadı". (Moderator)

Sağlamlıq   Baxılıb: 1011   Tarix: 05 avqust 2018  

Şikayətiniz varsa Whatsapp: 050 3422489

Facebookda Paylaş



Unvan.az - elanlar sayti

DİGƏR MARAQLI XƏBƏRLƏR