ABŞ -ın İrana hərbi müdaxiləsi Azərbaycana sərf edir?

Yaxın müddət ərzində ABŞ-ın İrana qarşı hansısa hərbi müdaxiləsindən söhbət belə gedə bilməz.

Bunu Sonxeber.az-a Milli Məclisin deputatı Asim Mollazadə ABŞ-ın İrana hərbi müdaxiləsi ehtimalından və bunun Azərbaycana mümkün təsirindən danışarkən deyib.

Onun sözlərinə görə, ABŞ Prezidenti Donald Trampın administrasiyası Tehrana münasibətdə ilk növbədə iqtisadi təzyiqlər göstərməyə və bu ökənin Yaxın Şərq siyasətini dəyşməyə çalışır.

Millət vəkili Vaşinqtonun İrana qarşı mümkün hərbi müdaxəlisinin Azərbaycan üçün sərfəli olacağına dair fikirlərə də münasibət bildirib.

A.Mollazadə qeyd edib: "Ən əsası odur ki, qonşuluqda istənilən müharibə Azərbaycana öz mənfi təsirini göstərə bilər. Söhbət müharibə nəticəsində İrandan Azərbaycana qaçqınların axın etməsindən və neft nəqliyyat dəhlizlərinin təhlükə altına düşməsindən gedir".

Deputat əlavə edib ki, yaxın müddətdə ABŞ-ın İranla hansısa formada hərbi münaqişəyə girəcəyinə inanmır.

Məftun Salmanov

Telegramda izləyin

instagramda izləyin