Azərbaycan təhsilində BİABIRÇILIQ! 596 bal yığan abituriyent keçid balını keçsə də...FOTOFAKT - YENİLƏNİB
596 bal toplayıb universitetə qəbul ola bilməyən abituriyent haqda yeni xəbər var.
Sonxeber.az xəbər verir ki, təhsil eksperti Kamran Əsədov Dövlət İmtahan Mərkəzinin mətbuat xidmətinin rəhbəri Xanlar Xanlarzadənin "fotoşop" açıqlaması haqda bunları deyib:
"Əziz dostlar, mənə dünən bir abituriyent və valideyni müracət edərək övladlarının yüksək bal toplamasına baxmayaraq qəbul olmadığını bildirmişdilər. Məndə onlardan şəxsi kabinetin istifadəçi adı və parolunu istədim. Amma mənə verilən fin kod və parol ilə elektron ərizəyə dxil ola bilmədim. İndi Dövlət İmtahan Mərkəzi ilə əlaqə saxladım. Mənə məlumat verildi ki, abituriyent tərəfindən mənə göndərilən elektron ərizəyə müdaxilə olunub. O fotoşopdur. Yəni əslində abituriyentin toplaıdğı bal 596 deyil. Mən bu məsələnin bütün hüququ yolarla həllini təmin edəcəm. Əgər bu valideyn tərəfindən edilən addımdırsa o, zaman DİM-i ciddi məhkəmə gözləyir. Yenədə deyirəm ki, bu məsələ ilə bağlı DİM-in mövqeyi odur ki, sənəd fotoşopdur. İndi özüm də şəxsən DİM-ə gedirəm".
***
Dövlət İmtahan Mərkəzinin mətbuat xidmətinin rəhbəri Xanlar Xanlarzadə Publika.az-a açıqlamasında bildirib ki, İbrahim Əsgərlinin imtahan nəticəsi paylaşılan məlumatdan az olub:
"Həmin abituriyent topladığı balı "fotoşop" proqramı vasitəsilə dəyişərək, təhsil eksperti Kamran Əsədova göndərib. Əslində, onun topladığı bal daha azdır. Abituriyentin topladığı bal, seçdiyi ixtisaslara keçid balından az olduğu üçün ali məktəbə daxil ola bilməyib. Abituriyentin nəticələri ilə bağlı məxfilik qorunduğundan özünün razılığı olmadan nə qədər bal topladığını açıqlaya bilmərik".
***
Xəbər verdiyimiz kimi , ötən gün ali məktəbə qəbul olunan abituriyentlərin siyahısı açıqlanıb.
Əsgəri İbrahim Əli oğlu adlı abituriyent qəbul imtahanında 596 bal yığmasına və seçdiyi ixtisasların bir çoxuna tələb olunan keçid balını keçsə də heç bir yerə qəbul ola bilməyib.
Bu barədə təhsil eksperti Kamran Əsədov məlumat verib. O, 15 illik təcrübəsində ilk dəfədir ki, belə bir halla qarşılaşdığını bildirib. Ekspert buna görə, Dövlət İmtahan Mərkəzini ittiham edib.
"Çox təəccüblü bir məsələ ilə qarşılaşdım. Mənə bir abituriyent müraciət edib. Deməli, bu şəxs 596 bal toplayıb. Seçdiyi ixtisaslardan bir neçəsinə tələb olunan keçid balı keçsə də heç bir yerə qəbul olmayıb. Yəni 15 illik təcrübəmdə belə şey görməmişəm. Elektron ərizəsində görünür ki, seçdiyi neçə yerin keçid balını keçib. Amma heç bir yerə daxil olmayıb. Deyəsən DİM sürüşdürüb", - deyə o, bildirib.
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş