ABŞ Cənubi Qafqaz ölkələrindəki seçkilərə müdaxiləyə hazırlaşır – Rusiyalı ekspert

ABŞ prezidenti Donald Trampın Vaşinqtonun düşmənləri və rəqiblərinə qarşı kiber hücumlar təşkil etməsində məhdudiyyətləri aradan götürən fərman imzalaması o deməkdir ki, Amerika digər ölkələrdəki seçkilərə ciddi müdaxiləyə hazırlaşır.

Sonxeber.az azvision.az-a istinadla xəbər verir ki, bu barədə Rusiyanın Beynəlxalq Təhlükəsizlik Problemləri İnstitutunun əməkdaşı, politoloq Aleksey Fenenko deyib. Onun sözlərinə görə, dünyada hələ kiber hücumun həyata keçirilməsi üzrə hansısa sübut olunmuş fakt yoxdur. Bütün sübutlar sadəcə ehtimal səviyyəsindədir. Lakin Trampın sabiq ABŞ prezidenti Barak Obamanın 2012-cil ildə qəbul etdiyi sənəddə nisbətən yumşaq şərtləri dəyişdirərək, Amerikanın rəqiblərinə qarşı kiber hücumlar təşkil etməsində məhdudiyyətləri aradan götürməsi Vaşinqtonun başqa ölkələrdə keçirilən seçkilərə müdaxiləyə hazırlaşdığını deməyə əsas verir.

"İstisna deyil ki, Obamanın qərarının ləğv edilməsi vasitəsilə ABŞ Rusiya və Çin kimi ölkələrin yox, Gürcüstan və Ermənistan kimi tərəddüd edən, xarici siyasətlərində ikili çatlar yaranan dövlətlərin daxili işlərinə ciddi şəkildə qarışmağa, onlarda keçirilən seçki proseslərinə müdaxilə etməyə hazırlaşır. Çünki, bu ilin yazında şahidi olduğumuz kimi cəmiyyətində ciddi parçalanma gedən Ermənistanda seçki texnologiyalarından asanlıqla istifadə edilə bilər", – deyə Fenenko vurğulayıb.

Rusiyalı politoloq, həmçinin qeyd edib ki, Trampın bu qərarı ilə ABŞ özünə qarşı kiber hücum həyata keçirməkdə ittiham etdiyi ölkələrin əleyhinə istənilən növ güc tətbiqi üçün əsas əldə edəcək: "Müəyyən dövlətlərin kiber hücumlarda ittiham olunması imkanları genişlənəcək. Yəni ABŞ özünə qarşı kiber hücumun təşkil edildiyini deyərək, cavab tədbirləri norma halına salınmasa belə, qarşı tərəfə istənilən növ güc tətbiq etməkdə tam hüquq əldə edir və bunun üçün qanuni əsas yaradır".

Lakin Fenenkonun fikrincə, 2011-ci il təcrübəsindən dərs çıxaran Vaşinqtonun Rusiyaya qarşı kiber hücumdan istifadə etməsi çətin olacaq. Çünki ABŞ Rusiyada kifayət qədər elektoral bazaya sahib deyil və onun tərəfdarları yalnız müəyyən ziyalılar təbəqəsidir. Bu mənada, iqtidarın siyasətini dəstəkləyən cəmiyyətlərdə seçkilərə müdaxilə uğursuz nəticələr verir.

Telegramda izləyin

instagramda izləyin