Paşinyan mitinqə başladı

Ermənistanın baş naziri Nikol Paşinyan vəzifədə olmasının 100 günlüyü münasibətilə bu günə təyin etdiyi mitinqə start verib.
Sonxeber.az azvision.az-a istinadən xəbər verir ki, mitinq yürüşünün önündə gedən Paşinyan ətrafına toplaşan sakinlərlə bərabər İrəvanın Erebunu küçəsindən Respublika meydanına doğru irəliləyirlər. Asayişin qorunması və qanun pozuntusuna, o cümlədən mümkün təxribatlara qarşı ərazidə polis əməkdaşları da cəmləşib.

Paşinyan bilrib ki, mitinqin start götürdüyü ərazi onun üçün rəmzi məna daşıyır. Çünki "məxməri inqilab" zamanı 22 apreldə Ermənistanın xüsusi xidmət orqanlarının əməkdaşları məhz Erebuni küçəsində onu saxlayaraq aparıblar. Yürüşə başlayan Paşinyan bəyan edib ki, məhz mitinqdə əhali qarşısında 100 günlük hakimiyyətinin hesabatını verəcək. Ehtimal olunur ki, o, daxili və xarici siyasətlə bağlı ciddi bəyanatlar səsləndirəcək.

Baş nazir həmçinin, mitinqdə təxribatlar törədiləcəyini istisna etməyib. Onun fikrincə, bəzi qüvvələr hökumətə qarşı təxribat məqsədilə aqressiya nümayiş etdirə bilər. Odur ki, Paşinyan sakinləri ehtiyatlı və soyuqqanlı olmağa çağırıb.

Xatırladaq ki, Ermənistanda və Rusiyadakı bir sıra dairələrin fikrincə, Paşinyanın bugünkü mitinqinin əsl məqsədi Moskvaya güc nümayişidir.

Telegramda izləyin

instagramda izləyin