"Dünənki seldə nənəmin də evini su basmışdı, xəstə xalam..." -azərbaycanlı məşhur müğənni

Tanınmış müğənni Elnarə Xəlilova ötən gün verdiyi açıqlamaya aydınlıq gətirib:

İfaçı ötən gün yağan yağışda ailəsinin də əziyyət çəkdiyini bildirib:

"Hər kəsə salam. Video dünən Xəzərdə çəkilib. Bildiyim qədərilə hələ vulkan da püskürüb. Bəli. Siz çox düz buyurursuz. Bakı 4 mln əhaliyə hesablanmayıb. Ona görə də kanalizasiya sistemi səhərdən günortaya qədər yağan leysan yağışı axıtmağı çatdırmadı. Nəticədə sel gəldi və hər yanı su basdı. Səbəb? Allah göydən yağışı yerə endirməsəydi kanalizasiyalar yada düşəcəkdimi? Mən heç gözləmirdim də mənim yazdığımı mütləq şəkildə hamınız olduğu kimi qavrayasız. Hərə özünə lazım olanı götürdü. Fərqimiz yalnız ordadır ki,mən məsələnin həllinə daha qlobal yanaşıram. Bəli. Bu mənim yanaşmamdır. Mən yağış yağanda dua edirəm. Kimsə mənimlə razılaşmaya bilər. Mən eyni zamanda çoxlu mütaliə də edirəm. Və mənimlə razılaşmayanlardan fərqli olaraq bilirəm ki,Allah təala Nuh peyğəmbərin dövründə insanların itaətsizliyinə görə yer üzünü suya qərq etdi. Və böyük bir qövm beləcə məhv oldu. Ey mənim savadıma şübhə edənlər! Bu hal düz 4 dəfə təkrar olub. Və Allah təala məsləhət biləndə Ad,Səmum və Lutun qövmünü də beləcə hərəsini bir bəla ilə məhv etdi. Və mən bir gün qiyamətin də belə gələcəyinə inananlardanam. Və mənim üçün artıq fərqi yoxdur,kanalizasiya işlədi,işləmədi - mən istədiyimi yeri göyü yaradan Allahdan istəyirəm! Hər yağış yağanda hamı üçün dua edirəm və günahlarımızın bağışlanmasını istəyirəm. Nənəmgil Sovetskidə qalır. Dünənki seldə onların da evini su basmışdı. Orda xəstə xalam və digərləri yaşayır. Anam da onlarda idi. Elə bilməyin ki mən öz lyuks evimdə oturub kef eləmişəm. Hadisədir olub. Bütün dünyada baş verir. Böyük kanalizasiya sistemləri olan ölkələri Allah təala vaxtı gələndə silir yer üzündən. Ona görə də mənim əzizlərim,bir az səbirli olaq. Hər nə oldu günahı başqalarında axtarmayaq. Özümüzə müasir və təhsilli adı qoyub baş verənlərin Əsl Səbəbkarını unutmayaq. Hamınıza gözəl gün arzu edirəm! Gördüyünüz işlərdə də uğurlar!

Xatırladaq ki, ötən gün ifaçının verdiyi bu açıqlama böyük qalmaqala səbəb olmuşdu:

"Qiyamət də bir gün belə gələcək. Onda da FHN çağıracaqsız? Neyləsin FHN?Bütün dünyada katoklizmlər baş verir. Hər yanı sel yuyur aparır. Buna təbii fəlakət deyirlər. Allah da istəyir yusun günahlarımızı su yetmir. Şikayət etməyin. Dua edin! Bunların hamısı xəbərdarlıqdır". Elnarənin bu statusu bəzi istifadəçilər tərəfindən tənqidə məruz qalıb və onlar deyib ki, şəhərin su-kanalizasiya sistemi normal işləsəydi, belə problem olmazdı./BiG.AZ

Telegramda izləyin

instagramda izləyin