Eks-dövlət müşavirindən SENSASİYALI AÇIQLAMA: Rus kəşfiyyatı Azərbaycanda...

Eks-dövlət müşavirindən SENSASİYALI AÇIQLAMA: Rus kəşfiyyatı Azərbaycanda...Azərbaycanda böyük şəbəkələşmiş xarici kəşfiyyat sistemi fəaliyyət göstərir. Azərbaycanda iki dövlətin xeyli inkişaf etmiş kəşfiyyat sistemi var ki, bunlar da Rusiya və İrandır. Bunu Sonxeber.az-a politoloq, sabiq dövlət müşaviri Qabil Hüseynli Rusiyanın son illər xarici ölkələrdə kəşfiyyyat fəaliyyətini gücləndirməsi fonunda Moskvanın Azərbaycandakı kəşfiyyat fəaliyyəti barədə danışarkən deyib.

Azərbaycanda kimlər rus kəşfiyyatına işləyir?

Onun sözlərinə görə, Rusiya Azərbaycanda təkcə özünün kəşfiyyat sistemi ilə fəaliyyət göstərmir: "Moskva, həmçinin daha çox 5-ci kolunun köməkliyi ilə kəşfiyyat fəaliyyət yürüdür. Yəni sovet dövründən qalma, Moskvaya xüsusi rəğbət bəslədiyini gizlətməyən müəyyən adamları bir növ Rusiyanın Azərbaycandakı kəşfiyyatının dayaqları hesab etmək olar. Bəzi şəxslər özləri də bilmədən kifayət qədər ciddi məsələlərdə Rusiya kəşfiyyatı üçün informasiya mənbəyinə çevrilirlər".

Rus kəşfiyyatı ordumuzun daxilində təxribatlar törədib

Politoloq rus kəşfiyyatının müstəqilliyimizin ilk illərində apardığı işlərə də toxunub: "SSRİ dağıldıqdan sonra müstəqilliyini bərpa edən Azərbaycanda qarışıqlıq yaratmaq, özlərinə sərf edən hakimiyyəti iş başına gətirməyə çalışmaq, müəyyən hakimiyyətləri nüfuzdan salmağa cəhd etmək, eləcə də formalaşmaqda olan ordunun içərisində təxribatlar törətmək Rusiya kəşfiyyatının əsas işi olub".

Moskva bu sahəyə böyük pullar ayırır

Q. Hüseynli diqqətə çatdırıb ki, Rusiya kimi böyük dövlətlər ikitərəfli münasibətlərin yaxşı səviyyədə olub-olmamasından asılı olmayaraq, hər bir ölkədə, xüsusən də MDB ölkələrində öz kəşfiyyat sisteminin formalaşdırılmasında və inkişafında həmişə maraqlıdır: "Moskva bu sahəyə külli miqdarda pullar ayırır. Qarşısına qoyduğu məqsədlərə də nail olmağa çalışır. Bir çox hallarda bu məqsədlərə də nail olur".

Məftun Salmanov

Siyasət   Baxılıb: 2913   Tarix: 10 oktyabr 2018  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Cəbhədən XƏBƏR VAR

10 oktyabr 2018