Cinsini dəyişənlər yeni pasportu necə alır? - DİN-dən açıqlama

Ötən gün Modern.az saytında "Günay, Nuray, Nihal...– Azərbaycanda cinsini dəyişənlər rəsmən ad-soyadlarını da dəyişirlər" başlıqlı məqalə dərc olunub.

Daxili İşlər Nazirliyi yazı ilə bağlı reaksiya verib.

Nazirlikdən Modern.az-a daxil olan məlumatda bildirilib ki, araşdırma xarakterli yazıda qeyd oluan xüsusatlarla əlaqədar Daxili İşlər Nairliyinin Baş Pasport, Qeydiyyat və Miqrasiya İdarəsinin rəis müavini Elçin Məmmədov danışıb.

O bildirib ki, vətəndaşın adının, soyadının və ata adının dəyişdirilməsi zamanı Nazirlər Kabinetinin hazırda qüvvədə olan "Vətəndaşlıq vəziyyəti aktlarının qeydində dəyişiklik, bərpa və ləğv qaydalarını müəyyən edən əsas müddəalar" haqqında 2001-ci il 1 mart tarixli Qərarı əldə rəhbər tutulur.

Həmin Qərarın 3-cü bəndinə əsasən, vətəndaşlıq vəziyyəti aktlarının qeydində dəyişikliklər, bir sıra hallarda, o cümlədən cinsin dəyişməsi ilə əlaqədar olaraq vətəndaşın adı, soyadı və ata adı dəyişdirildikdə edilir.

"Bu zaman sənədin 4-cü bəndinə əsasən şəxsin cinsini dəyişməsinin təsdiqi haqqında səhiyyə orqanları tərəfindən verilmış rəsmi rəy əsas götürülür. Həmin sənədlər əsasında ilkin olaraq Ədliyyə Nazirliyinin müvafiq qurumu tərəfindən vətəndaş yeni "Doğum Haqqında Şəhadətnamə" ilə təmin edilir"-deyə E.Məmmədov bildirib.

Nazirlik nümayəndəsi cinsini dəyişmiş şəxsin şəxsiyyəti təsdiqləyən sənədlə - yeni "Şəxsiyyət Vəsiqəsi" ilə təmin edilməsinndən də danışıb.

Söyləyib ki, vətəndaş aldığı yeni "Doğum Haqqında Şəhadətnamə" və qanunvericiliklə tələb olunan digər sənədlərlə Daxili İşlər Nairliyinin Baş Pasport, Qeydiyyat və Miqrasiya İdarəsinə və ya ərazi polis orqanlarının qeydiyyat və şəxsiyyət vəsiqəsi qurumlarına, eləcə də "ASAN" Xidmət mərkəzlərinə müraciət edə bilər.

Müvafiq araşdırmalardan sonra ona yeni "Şəxsiyyət Vəsiqəsi"nin verilib-verilməməsinə dair qərar qəbul edilir.

Telegramda izləyin

instagramda izləyin