Beynəlxalq Bankın keçmiş rəhbərinin arvadı Zamirənin Londonda müsadirə edilən mülkləri, qolf klubu, özəl təyyarəsi...

Beynəlxalq Bankın keçmiş rəhbərinin arvadı Zamirənin Londonda müsadirə edilən mülkləri, qolf klubu, özəl təyyarəsi...Xəbər verdiyimiz kimi Azərbaycan Beynəlxalq Bankının keçmiş rəhbəri, bankdan milyardlarla dolların talanmasını təşkil etdiyi üçün hazırda həbsdə olan Cahangir Hacıyevin arvadı Zamirə Hacıyevanın Londonda ərinin mənimsədiyi pullar hesabına aldığı mülklərə həbs qoyulub.

Sonxeber.az virtualaz.org-a istinadən xəbər verir ki, iki gündür bütün Britaniya mediası, o cümlədən beynəlxalq KİV-lər bu məsələdən yazır. Çünki Zamirə Hacıyeva Böyük Britaniyada ötən il qəbul edilən və korrupsiya yolu ilə əldə edilmiş pullar hesabına bu ölkədə əldə edilmiş aktivlərin müsadirəsini nəzərdə tutan qanunun tətbiq edildiyi ilk əcənəbidir.

Lakin Zamirə tək deyil, xəbər verilir ki, hazırda Böyük Britaniyanın cinayətkarlıqla mübarizə Agentliyi (National Crime Agency) daha 120-140 xarici vətəndaşlar - hazırda vəzifədə olan yüksək vəzifəli məmurlar və oliqarxlar barədə araşdırma aparır. Onların əksəriyyəti Rusiya vətəndaşlarıdır.

"Financial Times" qəzetinin yazdığına görə bu ilin iyul ayında məhkəmə mənbəyi qaranlıq gəlirlər hesabına əldə edilmiş aktivlərin müsadirəsinə imkan verən qanun çərçivəsində Zamirə Hacıyevanın 22.5 milyon funt sterlinq dəyərində iki mülkünə həbs qoyanda keçmiş bankirin arvadı bu qərardan apellyasiya verib. Lakin ötən həftə London Yüksək Məhkəməsində hakim Supperstoun bu şikayəti rədd edib, hökmü qüvvədə saxlayıb.

Və bu məhkəmə çəkişməsi Zamirənin Londondakı dəbdəbəli yaşayışının detallarını üzə çıxarıb. Məlum olub ki, təkcə 2006-2008-ci illərdə, yəni ərinin Azərbaycan Beynəlxalq Bankına rəhbərlik etdiyi dövrdə çoxsaylı kredit kartlarından, o cümlədən ərinin bankının buraxdığı 35 "American Express", "Mastercard" və "Visa" kartları ilə 16.3 milyon sterlinq pul xərcləyib. Bu pulların 1500 funtu bir gündə "Harrods" univermağında xərclənib, Zamirə bu univermağın daimi müştərisi olub.

Habelə məhkəmə araşdırması zamanı müəyyən olunub ki, Zamirə "Cartier" və "Boucheron" brendlərindən olan zinət əşyalarına, Londonda elit mülklərə, habelə "Gulfstream 550" tipli özəl təyyarəyə malikdir.

Qəzet yazır ki, Zamirənin presedenti ötən il qəbul edilmiş qanunun digər korrupsionerlərə də tətbiq edilməsinə imkan verəcək. Cinayətkarlıqla mübarizə Agentliyinin (NCA) iqtisadi cinayətlər departamentinin direktoru Donald Ton bildirib ki, bu qanun kriminal yollarla əldə edilmiş gəlirlərin Londonda yuyulmasına qarşı effektiv mübarizə aparmağa imkan verir və indi Zamirə Hacıyevanın barəsində çıxarılmış hökmdən sonra agentlik araşdırdığı işləri Yüksək Məhkəməyə göndərə biləcək.

Zamirənin 42.5 milyon dollarlıq təyyarəsi

Lakin Zamirənin vəkilləri iddia ediblər ki, həmin qanun onların müdafiə etdiyi şəxsə qarşı tətbiq edilə bilməzdi. Çünki istər Zamirə, istərsə də onun əri hansısa qanun pozuntularına yol verməyiblər. Vəkillər bildiriblər ki, Zamirənin əri "iri beynəlxalq bankir" olub və leqal yollarla varlanıb. Zamirə özü isə məhkəməyə təqdim etdiyi sənədlərdə ərinin ailədə yeganə qazanc gətirən olduğunu göstərib, qeyd edib ki, Cahangirə ərə gedəndə o, artıq varlı bankir idi və 90-cı illərin əvvəllərində biznesdən varlanmışdı. Amma hakim bu arqumentləri tutarlı saymayıb, məhkəmə müəyyən edib ki, C.Hacıyevanın bəyan etdiyi rəsmi gəlirləri və bank rəhbəri kimi aldığı maaşla onun arvadının Londondakı xərcləri arasında kəskin fərq var. Nəticədə Zamirənin Londondakı aktivləri cinayət yolu ilə əldə edilmiş pullar hesabına aldığı barədə hökm qüvvədə qalıb. Çünki C.Hacıyev 2008-ci ildə cəmi 70 min 650 dollar maaş alıb, daha 90 min dollar isə bankın səhmlərindən dividend hesabına qazanıb.

Zamirənin Natysbricdəki mülkü

Zamirə Hacıyevanın müsadirə olunan 11.5 milyon dollarlıq mülkü Naytsbricdə yerləşir, 2009-cu ilin dekabrında "Vicksburg Global" adlı şirkət tərəfindən alınıb. Həmin şirkət Britaniya Virgin adlarında qeydiyyatdan keçib. Benefisiarı Z.Hacıyevadır. Şirkət mülkü almaq üçün 4 milyon funt sterlinq bəribaşdan ödəyib, 7.47 milyon funt sterlinqi isə ipoteka krediti formasında rəsmiləşdirərək cəmi 5 ilə bağlayıb.

Zamirənin qolf klubu

Zamirənin müsadirə edilən aktivlərindən biri də Askot yaxınlığındakı "Mil Ride" qolf-klubudur. Bu aktiv 2013-cü ildə 10.5 milyon funt sterlinqə "Natura Ltd" adlı şirkət tərəfindən alınıb. Şirkətin benefisiarı Zamirədir, o qolf-klubun yerləşdiyi ünvanda da qeydiyyatdadır.

Digər aktiv "Berkleley Business Limited" adlı şirkətin adına 42.5 milyon dollara alınan "Gulfstream 550" təyyarəsidir. Bu şirkətin də benefisiarı Zamirədir. Hakim Holl bu ilin iyulunda keçirilən məhkəmə zamanı təyyarənin alınmasını çirkli pulların yuyulmasının birbaşa sübutu adlandırıb.


Sonxeber.az Telegramda izləyin
Hadisə   Baxılıb: 1685   Tarix: 11 oktyabr 2018  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

"Heç bir intim əlaqədən söhbət gedə bilməz!" - Maşında sevgilisi ilə meyiti tapılan Könülün anası

Bakının Yasamal rayonu, Mirəli Seyidov küçəsində, beş mərtəbəli binanın həyətindəki qarajda sevgilisi ilə birlikdə dünyasını dəyişən Könül Əhədovanın anası baş verən hadisənin təfərrüatları barədə a24.Az-a müsahibə verib.. . Gülnarə Əhədova qızı haqqında yazılan xəbərlərin əsassız olduğunu, yayılan şayiələri

11 oktyabr 2018

Azərbaycanda FACİƏVİ QƏZA: DSX əməkdaşının azyaşlı qızı öldü

Dövlət Sərhəd Xidmətinin əməkdaşı azyaşlı qızı ilə birlikdə yol qəzasına düşüb.. . Sonxeber.az Trend-ə istinadən bildirir ki, hadisə Cəlilabad rayonu ərazisində baş verib.. . Ələt-Astara-İran sərhədi avtomobil yolunun Cəlilabad rayonunun Uzuntəpə kəndi ərazisindən keçən hissəsində Rusiya Federasiyasını

11 oktyabr 2018

Bakı məktəbində gözyaşardıcı qazdan istifadə edən şagird və atası saxlanıldı (VİDEO)

Ötən gün Bakı şəhəri, Suraxanı rayonu, Hövsan qəsəbəsi 76 saylı tam orta məktəbdə şagirdlər gözyaşardıcı qazdan zəhərləniblər.. . Sonxeber.az bakuws-ə istinadən xəbər verir ki, bununla bağlı İTV-nin əməkdaşları hadisə yerində olub. Məktəbin direktor müavini kanal əməkdaşına bildirib ki, hadisə ilə əlaqəda

11 oktyabr 2018

Cəbhədə şiddətli atışma - Müdafiə Nazirliyindən AÇIQLAMA

Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 25 dəfə pozub.. . Müdafiə Nazirliyindən Sonxeber.az verilən məlumata görə, Ermənistan Respublikası Berd rayonunun Çinari kəndində yerləşən mövqelərdən Tovuz rayonunun Ağdam kəndində və adsız yüksəkliklərdə

11 oktyabr 2018

Qüdrət Şükürovun işi ilə bağlı SENSASİON FAKT: Şəriki həbs oluna bilər - FOTO

Bakı Şəhər İcra Hakimiyyətinin tabeliyində olan "Lift-Təmir" İstehsalat Birliyinin eks direktoru Qüdrət Şükürovun şəriki İlqar Ramazanov da istintaqa cəlb oluna bilər. . . Sonxeber.az musavat.com-a istinadən xəbər verir ki, İlqar Ramazanov Qüdrət Şükürovun istintaqa cəlb edildiyi cinayət yol

11 oktyabr 2018

Bakıda ağır qəza: şirkət maşını iki yerə bölündü - VİDEO

Bir neçə dəqiqə öncə paytaxtın Qaradağ rayonunda ağır yol-nəqliyyat hadisəsi baş verib. . . Sonxeber.az Oxu.Az-a istinadən xəbər verir ki, hadisə zamanı özəl şirkətlərdən birinə məxsus yük avtomobili yolda üzərində radar aparatı yerləşdirilmiş dəmir konstruksiyaya çırpılıb. . . Qəzadan sonra avtomobi

10 oktyabr 2018

Azərbaycanda KURYOZ HADİSƏ - Qız oğlanı KamAz-la qaçırdı - VİDEO

Qızların oğlanlar tərəfindən qaçırıldığı barədə xəbərlərlə tez-tez rastlaşırıq. Lakin, bu dəfə tam əksi baş verib.. . Cavadov Mübariz Ariz oğlu adlı yeniyetmə bir gənc qadın tərəfindən qaçırılıb.. . Ən təəccüblüsü isə günlərdir axtarılan Arizi gənc qadın KamAz-la qaçırıb.. . . Bu barədə "Səni axtarıram"d

10 oktyabr 2018

Bakıda parkın ortasında DƏHŞƏT: insanların gözü qarşısında...

Bakı sakini özünü yandırıb.. . Bu gün saat 10 radələrində Xətai rayonu ərazisində - Məhəmməd Hadi küçəsi ilə Neapol küçələrinin kəsişməsindəki parkda 55-60 yaşlı kişi üstünə benzin tökərək özünü yandırıb. Ətrafdakı şəxslərin köməkliyi ilə yanğın söndürülüb və özünə od vuran şəxs əraziyə gəlmiş təcil

10 oktyabr 2018

Bakıda məşhur restoranda yanğın - YENİLƏNİB - VİDEO

Bakının Yasamal rayonunda yanğın baş verib.. . Sonxeber.az Trend-ə istinadən bildirir ki, hadisə metronun "Elmlər Akademiyası" stansiyasının yaxınlığında, "Qoç ət" restoranında qeydə alınıb.. . Restoranın havalandırma sistemində baş verən yanğın qısa müddətdə tavana keçib.. . Hadis

10 oktyabr 2018