Deputat: Prezident gənc nəsli İrəvanı qaytarmaq üçün hazırlayır

Deputat: Prezident gənc nəsli İrəvanı qaytarmaq üçün hazırlayırPrezident İlham Əliyev "İrəvan bizim tarixi torpaqlarımızdır, Zəngəzurun itirilməsi yanlış addım olub" deməklə həmin ərazilərin geri qaytarılması uğrunda cəmiyyəti, gəncnəsli kökləmək istəyir, ona hazırlayır. Bunu Sonxeber.az-a Milli Məclisin deputatı Zahid Oruc azərbaycanlıların Ermənistan SSR-dən 1988-89-cu illərdə deportasiya edilməsinin növbəti ildönümü ilə bağlı danışarkən deyib.

Bu, böyük bir siyasətdir

Onun sözlərinə görə, deportasiya Azərbaycan tarixinin son 100 ilinin ən ağrılı hissəsidir: "Çünki bütün bəlalar insanlarımızın doğma yurdlarından didərgin düşməsi ilə başlayıb. Bu, böyük bir siyasətdir. İmperiyalar arasında savaşın tərkib hissəsi olub. Tarixin müxtəlif dönəmlərində, ayrı-ayrı formasiyalarda, müxtəlif ideologiyalı dövlətlərin meydana çıxması və ya dağılması fonunda tarixdə özünə yer edib və təəssüf ki, onun ən böyük zərbələrini azərbaycanlılar yaşayıblar".

Bizim qədər öz ev-eşiyindən kənara düşən xalq müqayisə olunmayacaq dərəcədə azdır

Millət vəkilinin fikrincə, coğrafiya ilə ölçsək bizim qədər öz ev-eşiyindən kənara düşən xalq müqayisə olunmayacaq dərəcədə azdır: "Bəlkə onunla hazırda Suriyada beynəlxalq qüvvələrin, kənar güclərin apardığı savaşın nəticəsində qaçqın vəziyyətinə düşən on milyonlarla insan müqayisə edilə bilər. Hətta II Dünya müharibəsi nəticəsində bu qədər insan torpaqlarından kənarda yaşamağa məhkum edilmir".

Qaçqınqlıq az qala milli həyatın hissəsinə çevrilib

Z. Oruc qeyd edib ki, əvvəlki müharibələr də deportasiyalar ilə başlayıb: "Müharibələrin nəticəsi isə köçkünlüyü və qaçqınlığı doğurub. Sanki qaçqınqlıq bizim üzərimizdə az qala milli həyatın hissəsinə çevrilib. Amma yenə də xalqımızın müəyyən dayanıqlı toxunulmaz hissəsi öz mənafeləri uğrunda mübarizə apararaq özlərini qoruya bilib, tarixin ən həlledici məqamlarında silaha sarılıb, insan, abidə və torpaq kimi itkilərə baxmayaraq, bütövlükdə əraziləri özlərində qoruyub saxlayıb".

Azərbaycanlıların deportasiyasını beynəlxalq məkanda qiymətləndirə bilməmişik

Deputatın sözlərinə görə, azərbaycanlıların deportasiyasını beynəlxalq məkanda qiymətləndirə bilməmişik: "Təəssüflər olsun ki, bu istiqamətdə uzun illər aparılan böyük işlərə rəğmən, xüsusi ilə ulu öndər Heydər Əliyevin 1998-ci ildə azərbaycanlıların soyqrımı və deportasiyasilə ilə əlaqədar verdiyi fərmanlar və qərarlarla onun dövlət siyasətinin ana xəttinə çevrilməsinə baxmayaraq, BMT, ATƏT və ya Avropa Şurası çərçivəsində bu hadisəyə hüquqi və siyasi qiymət verilməyib. Bunun nəticəsi olaraq insanlarımıza dəyən milyardlarla dollar ziyanın ödənilməsi istiqamətində addımlar atılmayıb".

Bu, avtomatik olaraq Azərbaycanın Qarabağ məsələsində mövqeyini gücləndirəcək

Millət vəkili vurğulayıb ki, ermənilər bunu müharibənin qarşılıqlı bir predmentinə çeviriblər: "Yəni siz deportasiya ilə əlaqədar məsələləri insan haqları məhkəməsində qaldırsanız, müraciət etsəniz, avtomatik olaraq Bakıdan, Sumqayıtdan və digər rayonlardan olan ermənilərlə bağlı məsələləri də biz qaldıracağıq. Beləliklə də bu, beynəlxalq məhkəmələrdə belə davam edəcək və faydası olmayacaq. Ermənilər belə bir mənzərəni yaradıblar. Qeyd etdiyimiz qurumlar çox yaxşı bilir ki,əməl edilib-edilməməsindən asılı olmayaraq, heç olmasa BMT qətnamələrinə bərabər aktlar qəbul etsəydilər, heç olmasa sifətlərini xilas edə bilərdilər. Bunu da ona görə etmirlər ki, bu, avtomatik olaraq Azərbaycanın Qarabağ məsələsində mövqeyini gücləndirəcək".

İrəvan davasını Qarabağ uğrunda mübarizənin tərkib hissəsi kimi aparmalıyıq

Z. Oruc Prezident İlham Əliyevin bu istiqamətdə ən sərt iradəni təmsil etdiyini diqqətə çatdırıb: "Daha kəskin və güzəştsiz mövqe nümayiş etdirib. Onu da demək lazımdır ki, şübhəsiz bizim deportasiya davamız birinci növbədə işğal edilmiş Qarabağ torpaqlarının azad edilməsi üçündür. Milli ideallarımız içərisində bu gün İrəvanı heç kəs bu millətə unutdura bilmir. Xankəndi, İrəvan və Şuşa arasında mənəvi bağları və siyasi telləri, gələcəkdə həqiqi torpaq qovuşuqluğunu biz necə formalaşdıra bilərik? Bundan ötrü strateji proqramlar gərəklidir, dini isntitutlarımız işləməlidir, bunu mənəvi tərbiyə halının elementinə çevirməliyik. Bu elə bir siyasətdir ki, həqiqətən də on illər, bəzən yüz illər tələb edəcək. Qarabağsız və İrəvansız nəsil böyüyür və buna görə həmin bölgələrimiz unudulacaq fikirləri ilə razı deyiləm. Cəbrayılın kiçik bir kəndinin azad edilməsi ilə gördük ki, gələcəkdə digər torpaqlarımız işğaldan azad olunanda oralardan didərgin düşən insanların varisləri oralara gedəcəklər. İrəvan davasını Qarabağ uğrunda mübarizənin tərkib hissəsi kimi aparmalı və bunu səfərbərlik səviyyəsində milli iradəyə çevirməliyik ki, nəticə ala bilək".

Göyçəyə gedən yol mütləq Xankəndindən keçir

O əlavə edib: "Bizim hər birimiz, doğmalarımız, qohumlarımız bu hadisələri yaxşı mənada mifologiyalara çevirib. Bunlar bizim üçün çox qaynar və cazibəli əsatirlərdir. Hər birimiz üçün həssasdır. Özünəməxsus cazibə gücünə malikdir. Dərin bir şəkildə xatırlanır. Adamlar yuxularında İrəvanı görəndə sanki bir mükafat almış kimi oyanırlar. Buna sevinirlər. Bu yuxuların gerçək olması Qarabağ davasının uğurlarından asılıdır. Göyçəyə gedən yol mütləq Xankəndindən keçir, yaxud əksinə. Hesab edirəm ki, uğurlarımızı ölkə daxilində o qədər çox etməliyik ki, kənardan Azərbaycan hamı üçün cazibəli görünsün. Hətta düşmən də hiss etsin ki, bu məmləkətdə yaşamaq iftixar doğurur. Yəni təhsilə güc vermək, səhiyyə sahəsini inkişaf etdirmək, vətəndaş münasibətlərini, vətəndaş-məmur münasibətlərini irəli aparmaq, iqtisadi sahədə güclü tədbirlər görmək lazımdır".

Prezidentin leksikonunda İrəvan mənəvi ərazimizin bir hissəsidir

Z. Oruc heab edir ki, ölkə Prezidentini xarakterizə edən, onun liderlik xüsusiyyətlərini təşkil edən parametrlər bunlardır: "İlham Əliyev böyük Azərbaycan idealları ilə yaşayır. Prezidentin rəhbər kimi obrazı bundadır. O, sadəcə nəylə isə qane olmaq istəsəydi, barışmaq istəsəydi, bu qədər ordu qurmaz və silah almazdı, fərqli siyasət aparardı və deyərdi ki, bizdən əvvəl baş verib, torpaqların itkisi hansısa formalada reallaşıb. Prezident isə əksinə üzərinə daha böyük riskləri götürür. Dövlət rəhbəri rəsmi təsisatın başçısıdır. Belə olan təqdirdə, Prezident "İrəvan bizim tarixi torpaqlarımızdır, Zəngəzurun itirilməsi yanlış addım olub" deməklə həmin ərazilərin geri qaytarılması uğrunda cəmiyyəti, gənc nəsli kökləmək istəyir, ona hazırlayır. Bu yöndə öz millətini formalaşdırır. İlham Əliyevə xaricdən olan bütün təzyiqlərə rəğmən, mövqeyindən geri çəkilmir. Prezidentin leksionunda İrəvan mənəvi ərazimizin bir hissəsidir".

Məftun Salmanov


Sonxeber.az Telegramda izləyin
Siyasət   Baxılıb: 4042   Tarix: 11 oktyabr 2018  

Şikayətiniz varsa Whatsapp: 055 3906818

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR

Paşinyandan Qarabağla bağlı ŞOK SÖZLƏR: yenə də...

"Dağlıq Qarabağ danışıqlar prosesində həlledici səsə malik olmalıdır".. . İrəvanda "Frankofoniya" beynəlxalq təşkilatının sammitində çıxışı zamanı bu fikri irəli sürən Ermənistanın baş naziri Nikol Paşinyan yenə absurd iddialarını davam etdirib.. . Paşinyan iddia edib ki, Dağlıq Qaraba

11 oktyabr 2018

"Paşinyan Putinlə hesablaşmaq istəmir"

"Ermənistanın siyasi palitrasını tamamilə dəyişdirmək mümkün deyil. Bəli, Paşinyan və onun tərəfdarlarının mövqeləri əhəmiyyətli dərəcədə güclənəcək. O, Parlamentdə üstünlük əldə edəcək".. . Rusiyalı politoloq Vladimir Lepexin belə düşünür.. . Teleqraf.com onun "EADaily" saytına müsahibəsin

10 oktyabr 2018

Əli Həsənov Hökumətin iclasına niyə gəlmədi?..

Dünən - oktyabrın 9-da Prezident İlham Əliyevin sədrliyi ilə Nazirlər Kabinetinin 2018-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib.. . İclasda hökumət üzvləri iştirak edib. Çıxış edən vergilər naziri Mikayıl Cabbarov, nəqliyyat

10 oktyabr 2018

Paşinyanın arvadını Qarabağa ona görə göndərdi ki... - İrəvandan TƏXRİBAT

Ermənistanın baş naziri Nikol Paşinyanın həyat yoldaşı Anna Hakopyanın rusiyalı qadınlardan ibarət nümayəndə heyəti ilə Azərbaycanın işğal edilmiş Dağlıq Qarabağ bölgəsinə gəlişi və orada "sülh mesajları" verməsi Rusiyada da qıcıqla qarşılanıb.. . Sonxeber.az Publika.az-a istinadla xəbər veri

10 oktyabr 2018

Binəli Yıldırım və Oqtay Əsədovdan erməni deputatlara TƏRS ŞİLLƏ

Avrasiya ölkələri parlament sədrlərinin Antalya şəhərində keçirilən üçüncü görüşündə Ermənistan parlamentinin sədr müavini Eduard Şarmazanovun çıxışı qalmaqala səbəb olub.. . Publika.az xəbər verir ki, Şarmazanov qondarma "erməni soyqırımı" və işğal etdikləri Dağlıq Qarabağla bağlı iddiala

10 oktyabr 2018

Eks-dövlət müşavirindən SENSASİYALI AÇIQLAMA: Rus kəşfiyyatı Azərbaycanda...

Azərbaycanda böyük şəbəkələşmiş xarici kəşfiyyat sistemi fəaliyyət göstərir. Azərbaycanda iki dövlətin xeyli inkişaf etmiş kəşfiyyat sistemi var ki, bunlar da Rusiya və İrandır. Bunu Sonxeber.az-a politoloq, sabiq dövlət müşaviri Qabil Hüseynli Rusiyanın son illər xarici ölkələrdə kəşfiyyyat fəaliyyətin

10 oktyabr 2018

Türkiyə Ermənistanın qarşısında 2 şərt qoydu

Türkiyə parlamentinin sədri Binəli Yıldırım ermənistanlı vitse-spiker Eduard Şarmazanovun Ankaranı ittiham edən çıxışına cavab verib.. . . . Modern.az Türkiyə KİV-nə istinadən xəbər verir ki, Avrasiya parlamentlərinin spikerlərinin Antalyada keçirilən sammitində söz alan Yıldırım iki ölkə arasında münasibətləri

10 oktyabr 2018

Azərbaycan bu ölkəyə 200 min dollar verdi

Azərbaycan Respublikası Fələstin xalqının çətin günlərində hər zaman yanında olduğunu və İslam həmrəyliyinə sadiqliyini nəzərə alaraq, hazırda ciddi maliyyə çətinlikləri ilə üzləşən BMT-nın Fələstinli Qaçqınlara Yardım və İşlərin Təşkili üzrə Yaxın Şərq Agentliyinə (United Nations Relief and Works Agenc

10 oktyabr 2018

Almaniyadan Ermənistana zərbə: Qarabağ Azərbaycana məxsusdur

Almaniya Bundestaqının sağçı radikal AfD fraksiyası AFR hökumətinə "Almaniya-Ermənistan münasibətləri" mövzusunda kiçik sorğu göndərib və sorğuda həmçinin Dağlıq Qarabağla bağlı bəzi suallar yer alıb.. . Sonxeber.az Azvision.az-a istinadla xəbər verir ki, AFR hökumətinin sözügedən sorğuya cavabını

10 oktyabr 2018