"Xankəndindən İrəvana gəldikdən sonra…" – Köçəryanla bağlı sensasiyalı iddia

"Xankəndindən İrəvana gəldikdən sonra…" – Köçəryanla bağlı sensasiyalı iddia1998-ci ilə qədər – Robert Köçəryan hakimiyyətə gələnədək Dağlıq Qarabağ münaqişəsi üzrə danışıqlar Azərbaycan və Ermənistan arasında aparılmırdı.

Sonxeber.az teleqraf.com-a istinadla xəbər verir ki, bu barədə məlumat Ermənistanda fəaliyyət göstərən "Maarifləndirilmiş Vətəndaşlar" İttifaqı adlı QHT-nin yaydığı analitik materialda yer alıb.

"Köçəryanın ayı xidmətləri" adlı materialda həmçinin, onun hakimiyyəti ələ keçirməsinədək aparılan danışıqlarda Dağlıq Qarabağın azərbaycanlı və erməni icmalarının da qoşulması barədə anlaşmanın əldə edildiyinə diqqət çəkilir.

Material müəlliflərinin fikrincə, Robert Köçəryan prezident kürsüsünü zorakılıqla ələ keçirdikdən sonra münaqişənin formatı dəyişib: "Xankəndindən İrəvana gələn Robert Köçəryan prosesi tamamilə başqa istiqamətə çevirdi. Əlbəttə, onun səyləri sayəsində bu gün Ermənistan beynəlxalq ictimaiyyət tərəfindən işğalçı kimi tanınır. İndi Qarabağ münaqişəsində əsas tərəf bu bölgədə yaşayan erməni icması yox, Ermənistandır".

Materialda qeyd edilir ki, Köçəryanın prezidentliyi dönəmində Ermənistan tamamilə Rusiyanın asılılığına keçib:

"Ölkənin strateji energetika obyektləri Rusiyaya verildi. 2002-ci ildə Ermənistanın Rusiyaya olan borcuna dair "Mülkiyyət anlaşması" adlı sənəd imzalandı. Həmin sənəd əsasında 98 milyon dollar borca qarşılıq Ermənistanın "Mars" fabriki, Avtomatik Nəzarət Sistemləri İnstitutu, Mergelyan İnstitutu və Xrazdan TPP Rusiyaya verildi.

2003-cü ildə isə Köçəryan ölkənin Atom Elektrik Stansiyasını Rusiyaya satdı. 2006-cı ildə Ermənistanın dövlət qaz şirkəti "ArmRosGazprom" kiçik məbləğ qarşılığında Rusiyaya verildi. Başqa sözlə, Köçəryan Ermənistanı Rusiyaya satdı".

Siyasət   Baxılıb: 1201   Tarix: 11 oktyabr 2018  

Şikayətiniz varsa Whatsapp: 050 3422489

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR