"Azərbaycanda uşaqların rus dilində təhsilə meyllənməsinin qarşısı alınmalıdır"- deputat

Bu gün Azərbaycanda rus dilində təhsil alanlarların sayında artım müşahidə olunur. Nədənsə ölkəmizdə uşaqların ilkin təhsil olaraq rus bölmələrində təhsil almasına daha çox üstünlük verilir. Bu, yanlış meyldir.

Sonxeber.az xəbər verir ki, bunu Milli Məclisin deputatı Gövhər Baxşəliyeva Milli Məclisin bu gün keçirilən plenar iclasında çıxışı zamanı deyib.

Deputat bildirib ki, Azərbaycanda uşaqların rus dilində təhsilə meyllənməsinin qarşısı vaxtında alınmalıdır: "Bunu rus dilinə qarşı çıxmağım kimi qiymətləndirilməsini istəmirəm. Rusiya Azərbaycanla dost dövlətdir Rus dili də ingilis dili kimi xarici dil kimi tədris olunmalıdır. Bunun saatlarının artmasına heç kim əleyhinə olmamalıdır. Lakin uşaqların birinci sinifdənrus sektoruna meyllənməsi kökündən yanlışdır. Ziyalılar bu itsiqamətdə iş aparılmalıdır. İlkin təhsil mütləq şəkildə ana dilində olamlıdır. Çünki, ilkin təhsil uşaqların şəxsiyyət kimi formalaşması dövrünə təsadüf etdiyindən bu gələcəyimiz üçün çox vacibdir Sual oluna bilər ki, Sovetlər dövründə çoxları rus dilində təhsil alırdılar. O dövrdə karyera qurmaq, yüsək elmi dərəcə əldə etmək üçün bu dil lazım idi, amma bu gün biz müstəqilik və ölkəmizdə karyera qurmaq üçün bütün lazımı şərait var.

Telegramda izləyin

instagramda izləyin