Bayılda daha bir FƏLAKƏT

Bayılda daha bir FƏLAKƏTBu gün səhər saatlarında Səbail rayonu, Bayıl qəsəbəsinin Buxta küçəsində sürüşmə hadisəsi baş verib.

Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov Sonxeber.az-a bildirib ki, bir ev tamamilə dağılıb:

"Sürüşmə nəticəsində 9 nömrəli evdə uçqun prosesi baş verib və ev tamamilə dağılıb. Hadisə nəticəsində ölüm hadisəsi qeydə alınmayıb. Yaxınlıqda yerləşən bir neçə evin divarlarında çatlar müşahidə olunur".

Qeyd edək ki, ərazi yüksək mailli yamacda yerləşir və yamacın təbii meyilliyi 35-40 dərəcədir. Həmin yamac pilləli şəkildə kəsilib, tökmə torpaq üzərində pərakəndə şəkildə evlər tikilib. Nəticədə, yamac yüklənib, dayanıqlığı zəifləyib, kommunikasiya xətlərindən sular sızıb, torpaq qatının yuyulması prosesi gedib və bu səbəbdən aşınma və çökmə hadisəsi baş verib. Ümumiyyətlə, bu ərazi sürüşmə, uçqun, yuyulma və çökmə kimi ekzogen proseslərin təsirinə məruz qalan bir sahə hesab olunur.

Xatırladaq ki, bu ilin may ayında Buxta küçəsində torpaq sürüşməsi baş vermişdi. Hadisə nəticəsində ərazidən 22 ailə köçürülmüşdü. Hadisə zamanı 2 fərdi yaşayış evi tam, 2-si isə qismən dağıntılara məruz qalmışdı. Daha 20 fərdi ev təhlükəli ərazidə olduğu bildirilirdi.

Hadisə   Baxılıb: 4416   Tarix: 17 oktyabr 2018  

Şikayətiniz varsa Whatsapp: 050 3422489

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR