"Türkiyəyə qoyulan sərmayə, elə Azərbaycanın özünə sərmayə qoymaq deməkdir" — Deputat

"Türkiyədə açılışı olacaq SOCAR-a məxsus "Star" Neft Emalı Zavodu dünya əhəmiyyətli layihədir".
Bu fikirləri "ölkə.az"a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü, deputat Vahid Əhmədov bildirib.

Deputat deyib ki, indiyədək Azərbaycan Türkiyəyə 20 milyard dollara yaxın investisiya vəsaiti yatırıb:

"Azərbaycan dövlətinin ən çox investisiya qoyduğu ölkə qardaş Türkiyədir. Bu baxımdan "Star" zavodu çox böyük bir layihədir. Bu layihədən hər iki dövlət böyük gəlirlər əldə edəcək".

V.Əhmədov qeyd edib ki, sözügedən zavodun Azərbaycan üçün əhəmiyyəti böyükdür:
"Bu, çox böyük, dünya səviyyəli bir müəssisədir və tam olaraq Azərbaycana məxsusdur. Digər tərəfdən, mən həmişə demişəm ki, Türkiyəyə yatırım, elə Azərbaycanın özünə yatırım deməkdir. Ötən gün Dövlət Müstəqilliyi Günümüzü qeyd etdik. Türkiyə isə Azərbaycanın dövlət müstəqilliyini tanıyan ilk ölkədir".

İqtisadçı alim vurğulayıb ki, Türkiyə neft-qaz ehtiyyatlarına malik olmayan ölkədir:

"Dünyada müəyyən protokollar var ki, 2023-cü ilədək onlara riayət etməlidilər. Nefti əsasən xaricdən idxal edir, neft emalı sahəsində xeyli çatışmazlıqları var. Bu zavodun işə düşməsi bu problemlərin xeyli hissəsini həll edəcək".

Telegramda izləyin

instagramda izləyin