O qadın süpürgəçi deyil... - Rəsmi açıqlama - YENİLƏNİB

Bakı Şəhər İcra Hakimiyyətinin mətbuat Xidmətindən Qafqazinfo-ya verilən məlumata görə, qəza nəticəsində vəfat edən piyada Bəsti Eyvazova süpürgəçi deyil: "Həmin qadın 2015-ci ilədək Nizami Rayon Mənzil Təsərrüfatı Birliyində xadimə işləyib. Bir müddət əvvəl həmin işdən ayrılıb və ondan sonra heç bir yerdə işləməyib. Bu gün isə sərnişin avtobusundan düşüb yolu keçərkən onu avtobus vurub".
***
Bakı şəhər Baş Polis İdarəsi Dövlət Yol Polisi İdarəsinin bölmə rəisi, polis polkovniki Vaqif Əsədov Report-a bildirib ki, bu gün səhər saatlarında paytaxtın Qara Qareyv prospektində Vurğuz Yavər oğlu Şirinovun idarə etdiyi "Hyundai" markalı, 90 BX 135 dövlət nömrə nişanlı nəqliyyat vasitəsi yolda təmizlik işləri aparan, 1948-ci il təvəllüdlü Bəsti Dostəli qızı Eyvazovanı vurub.

Qadın hadisə yerində dünyasını dəyişib. Faktla bağlı Nizami rayon Polis İdarəsi tərəfindən cinayət işi başlanıb, istintaq aparılır.

Hadisəni törədən sürücü saxlanılıb.

----------

12:10

Səhər saatlarında Bakının "Neftçilər" Metrostansiyası yaxınlığında süpürgəçi qadını maşın vurub.

Sonxeber.az oxu.az-a istinadən xəbər verir ki, hadisə şahidinin sözlərinə görə, servis maşınının törətdiyi qəza nəticəsində təxminən 50 yaşlarında olan qadın dünyasını dəyişib.

Telegramda izləyin

instagramda izləyin