Qubadlıdakı qəza: Dörd erməni təxribat nəticəsində ölüb? – Tonoyan açıqladı

Noyabrın 7-də Gorus-Qubadlı yolunda Ermənistan hərbçilərini daşıyan yük maşının qəza səbəbi açıqlanıb.

Sonxeber.az Teleqraf.com-a istinadla xəbər verir ki, Ermənistan Müdafiə naziri Davit Tonoyan qəzanın texniki səbəblərə görə baş verdiyini bildirib.

Nazirin sözlərinə görə, qəzaya uğrayan yük maşınının istifadə müddəti bitib və təmirsiz olub.

Davit Tonoyan qəzada məsuliyyət daşıyan şəxslərin cəzalandırılacağını bildirərək, bunun ordu daxilində təxribat olduğunu istisna edib.

Erməni KİV isə 4 hərbçinin həlak olması, 6 nəfərin isə ağır yaralanması ilə nəticələnın qəzanın hərbi hissə daxilindəki təxribatçı qruplaşmanın işi olduğuna diqqət çəkib.

Qeyd edək ki, noyabrın 7-də Azərbaycanın işğal edilmiş Qubadlı rayonunda baş verən qəzada 4 erməni hərbçisi həlak olub.

Telegramda izləyin

instagramda izləyin