Ac ayı oğlanı parça-parça edib

Rusiyanın şərqində yerləşən Kamçatka yarımadasının Lazo kəndində faciə baş verib. Sonxeber.az Sputnik Azərbaycan-a istinadən xəbər verir ki, 15 yaşlı Rodion və 13 yaşlı Boris adlı iki yeniyetmə atalarının iş yerində olan saunaya gediblər. Və ora gedə bilmək üçün ayılar olan meşədən keçməli olublar.

Ayıların qış yuxusuna getdiyindən əmin olan uşaqlar bu yoldan rahat keçiblər. Lakin saunadan çıxaraq yenidən həmin meşə ilə qayıdan uşaqlar bu dəfə ayı ilə qarşılaşıblar.

Ayı Borisə hücum edib. Rodion ayının diqqətini dağıtmaq üçün müxtəlif hərəkətlər edib və heyvanın qəzəbinə tuş gəlib. Ayı Borisdən əl çəkərək Rodiona hücum edib.

Boris başından və qolundan yaralansa da, kəndə qaçaraq kömək çağırıb. Xilasedicilər Rodionu xilas etmək üçün meşəyə gəliblər. Onlar həmin əraziyə çatanda ayı parçaladığı Rodionun qalıqlarını basdırırmış. Uşağın boynunu qırın, qabırğalarını parçalayıbmış.

Rəsmilər bildiriblər ki, bu illər ərzində həmin ərazilərdə ayılar uşaqlara hücum etməyib. Bu, bir ilkdir.

Qeyd edək ki, Kamçatkada ayılar bəzən ac olanda kəndlərə gələrək yemək axtarırlar. Avqust ayında 23 yaşlı gənc də kəndə gələn ac ayının şikarına çevrilmişdi.

Telegramda izləyin

instagramda izləyin