Siyavuş Novruzov: İşdən ən son bu şəxslər çıxarılmalıdır

"Bu gün ölkədə sosial sahədə aparılan islahatlar təqdirəlayiqdir və düşünürəm ki, görülən işlər nəticəsində çatızmalıqlar aradan qaldırılacaq".

Sonxeber.az-ın xəbərinə görə, bunu Milli Məclisin deputatı Siyavuş Novruzov parlamentin bu gün keçirilən iclasında "Sosial təminatı və müdafiəni həyata keçirən müvafiq icra hakimiyyəti orqanının 2019-cu il büdcəsi haqqında" qanun layihəsinin müzakirəsi zamanı çıxış edərkən deyib.

O bildirib ki, müharibə veteranları ilə bağlı addımlar atlılmalıdır: "Qarabağa gedən yol Qarabağ əlillərinin sosial müdafiəsinin gücləndirilməsindən keçir. Prezident İlham Əliyev, Azərbaycanın Birinci xanımı Mehriban Əliyeva tərəfindən veteranların sosial müdafiəsi istiqamətində kifayət qədər addımlar atılır. Özəl sektor da onların müdafiəsi istqiamətində addımlar atmalıdır".

S. Novruzov söyləyib ki, əlillərin işə cəlb edilməsində Qarabağ əlilləri əsas rol oynamalıdır: "Əgər Qarabağ əlili hansısa təşkilatda işləyirsə, ixtisarlar ən son onlara şamil olunmalıdır. Bura Əfqanıstan veteranlarını da şamil edirəm. Onların arasında əlillər, veteranlar, Qarabağ müharibəsində iştirak edənləri var ki, onların sosial müdafiəsi istiqamətində addımlar atılmalıdır".

Deputat qeyd edib ki, veteranlara 56 manat müavinət verilir, lakin onlar təqüdə çıxdıqdan sonra həmin puldan 18 manat tutulur: " Bu müavinət onlara avtobus, qaz, işıqdan pulsuz istifadənin lğvindən sonra ayrılıb. Bunun təqüdə nə aidyyatı var? Məgər kimsə təqaüdə çıxanda həmin şəxslər veteranlıqdan çıxırlar?"Veteranların mənzil şəraitinin yaxşılaşdırılmasına toxunan S. Novruzov söyləyib ki, Əfqanıstan veteranları da buradan kənarda qalmamalıdır"

Telegramda izləyin

instagramda izləyin