"Eks-nazir Fazil Məmmədovun obyektləri satılaraq pulları şəhid ailələrinə verilsin"

"Azərbaycanın ərazi bütövlüyü uğrunda 24 min insan şəhid olub".

Sonxeber.az xəbər verir ki, bunu Milli Məclisin bu gün keçirilən iclasında 2019-cu il dövlət büdcəsi layihəsinin müzakirəsi zamanı deputat Fəzail Ağamalı deyib.

Deputat qeyd edib ki, mən də bu döyüşdə iştirak edənlərdən biriyəm: "Evini, maşınını satıb gedib ov tüfəngi alan, ən müxtəlif yollarla ermənilərlə döyüşlərdə iştirak edib və şəhid olub. Niyə bunlar yaddan çıxmalı, polis işçiləri unudulmalıdır. Azərbayanın müstəqilliyi uğrunda 24 min qəhrəman övladımız şəhid olub. 11 min manat vəsait şəhid hərbi qulluqçularının vərəsələrinin hamısına verilsə, bu 264 milyon manat maliyyə vəsait edir. Dövlətin büdcəsində müəyyən məhdudiyyətlər var. Bu vəsaitin ödənilməsinə imkan yoxdur. Ona görə Cahangir Hacıyevin Londonda olan mülkləri, Rüfət Aslanlının, Fazil Məmmədovun mülkləri, obyektləri, maşın kolleksiyaları satılsın və həmin vəsait şəhid hərbi qulluqçularının ailələrinə verilsin. Çünki, o da dövlətin, xalqın puludur. Buna görə də hesab edirəm ki, bu haqda düşünmək və məqsəd uğrunda ciddi addımların atılmasına ehtiyac var".

Telegramda izləyin

instagramda izləyin