Arvadı tərk etdi, özü isə yedi, içdi, sonra intihar etdi

Arvadı tərk etdi, özü isə yedi, içdi, sonra intihar etdiSalyan rayonunda baş vermiş intihar hadisəsi ilə bağlı bəzi məqamlar üzə çıxıb.

Sonxeber.az publika.az-a istinadən xəbər verir ki, rayonun Yolüstü kəndində özünü asaraq intihar edən 1989-cu il təvəllüdlü Kərimov Seyran Dadaş oğlu özünə qəsd edən zaman sərxoş vəziyyətdə olub.

Yaxınlarının bildirdiyinə görə, Seyran Kərimov evli və 2 uşaq atası olub. Son vaxtlar onun ailəsində maddi məsələlər səbəbindən problemlər yaranırmış. Belə ki, həyat yoldaşının müalicə xərcini qarşılaya bilmədiyi üçün qadın iki uşağını da götürərək 2 ay əvvəl atası evinə gedibmiş.

Dünən isə Seyrangilin qapıbir qonşusu toy edib. O, qonşunun toyunda iştirak edib və axşam saatlarında sərxoş vəziyyətdə evə gəlib. Bu zaman atası Seyrana irad bildirib. O, Seyrana ailəsinin çıxıb getdiyini, onun isə məclislərdə kef çəkdiyini, spirtli içki qəbul etməsini irad bildirib. Psixoloji sarsıntı keçirmiş Seyran Kərimov daha sonra həyətdəki dama keçərək kapron iplə özünü asıb. Lakin ip onun ağırlığına tab gətirməyərək qırılıb.

Bir neçə dəqiqə sonra Seyranın arxasıyca dama girən qardaşı onun yerdə çabaladığını görüb və atası ilə birgə maşına qoyaraq Şirvan şəhər xəstəxanasına çatdırıblar. Lakin gənc oğlan yolda keçinərək vəfat edib.

Faktla bağlı araşdırmalar davam etdirilir.

Hadisə   Baxılıb: 586   Tarix: 20 noyabr 2018  

Şikayətiniz varsa Whatsapp: 055 6620257

Facebookda Paylaş

Unvan.az - elanlar sayti

DİGƏR MARAQLI XƏBƏRLƏR