Gəncədəki partlayışda oğluyla birlikdə ölən qadın vəzifəli şəxsin bacısı imiş

Bu gün səhər saatlarında Gəncədə yaşayış binasında baş verən partlayış nəticəsində dünyasını dəyişənlərdən biri Gəncə Dövlət Universitetinin (GDU) əməkdaşı olub.

A24.az-ın əldə etdiyi məlumata görə, faciə qurbanlarından biri olan 1971-ci il təvəllüdlü Tağıyeva Nigar Tağı qızı GDU-nun xüsusi şöbəsinin inspektoru vəzifəsində çalışırdı. N.Tağıyeva 24 yaşlı oğlu ilə birlikdə dağıntılar altında qalaraq dünyasını dəyişib.

Qeyd edək ki, mərhum GDU-nun kadrların şöbəsinin müdiri Gülçöhrə Tağıyevanın bacısıdır.

Xatırladaq ki, partlayış nəticəsində 1994-cü il təvəllüdlü Cumal Taleh oğlu Cumalzadə, 1971-ci il təvəllüdlü Tağıyeva Nigar Tağı qızı və onun oğlu – 1994-cü il təvəllüdlü Heydərov Hüseyn Oktay oğlu dünyasını dəyişib. Həmin binada kirayədə qalan Azərbaycan ordusunun hərbi qulluqçusu, 1997-ci il təvəllüdlü Orxan Oktay oğlu Məmmədov isə ağır yaralanıb.

Telegramda izləyin

instagramda izləyin