Deputat: Azərbaycan yığması ona görə 4:0 uduzdu ki...

"Azərbaycanda futbol inkişaf edir. Futbol üzrə Azərbaycan millisi gənc komandadır. Düşünürəm ki, daha da təcrübəli olar, nailiyyətlər daha da böyük olar". Bunu Sonxeber.az-a Milli Məclisin deputatı Azər Badamov Azərbaycan yığmasının UEFA Millətlər Liqasında uğursuz çıxışına münasibət bildirərkən deyib.

O bildirib: "Heç də deməzdim ki, Azərbaycan yığması pis oynayır, yaxud məşq eləmir. Bu sözləri millimiz haqqında demək olmaz. Çünki millimiz öz bacardığını edir, sadəcə olaraq, formalaşmaq və daha da inkişaf etmək lazımdır ki, beynəlxalq turnirlərdə yaxşı yerlər tutaq. Məşqlər futbolumuzu daha da inkişaf etdirəcək və bu özünü yaxın gələcəkdə yaxşı yerlər tutmaqda göstərəcək".

Millət vəkili milimizin baş məşqçisi Qurban Qurbanovun da fəaliyyətinə toxunub: "Qurban Qurbanov yaxşı məşqçidir və vaxtilə yaxşı da futbol oynayırdı. Yığmamız da Qurban Qurbanovun məşqçiliyi altında nailiyyətlər qazanacaq. Sadəcə futbol da bir oyundur. Hər oyunu qələbə ilə başa çatdırmaq mümkün deyil. Qələbələrlə yanaşı, məğlubiyyətlər də olacaq. Bu o demək deyil ki, bütün oyunlarda qalib gəlinməlidir. Gələcəkdə də qələbələr olacaq. Ruhdan düşmək lazım deyil. Qurban Qurbanovun futbolumuzun inkişaf etməsi üçün çalışır".

Xatırladaq ki, UEFA Millətlər Liqasının D qrupunda mübarizə aparan Azərbaycan yığması son oyununda Kosovoya səfərdə 0:4 hesabı ilə uduzaraq qrupda ikinci yeri tutub.

Məftun Salmanov

Telegramda izləyin

instagramda izləyin