Futbolda qaydalar tamamilə dəyişdi - BUNDAN SONRA...

Dünyanın ən məşhur idman yarışı olan futbolda 3 qayda dəyişikliyi ediləcək. Sonxeber.az publika.az-a istinadla xəbər verir ki, dəyişikliklər Birləşmiş Ərəb Əmirliklərində təşkil edilən 2018-Dünya Klublar Çempionatında tətbiq ediləcək. İlk dəyişikliyə görə, qapıçı aut atışı zamanı futbolçular yenə cərimə meydançasında qalacaq. Lakin əvvəlkindən fərqli olaraq cərimə meydançasını tərk etmədən topa müdaxilə edə biləcəklər. İkinci qayda isə oyunçu dəyişikliyi ilə bağlıdır. Bundan sonra oyundan çıxan futbolçu özünə ən yaxın yerdən meydançanı tərk edəcək. Onun mərkəzə qədər gəlməsinə ehtiyac olmayacaq.

Bununla itirilən zamanın qarşısını almaq hədəflənir. Üçüncü qayda cəza kartları ilə bağlıdır. Belə ki, daha öncə matçda qırmızı kart görən futbolçu eyni turnirin digər matçına çıxmamaqla cəzasını çəkirdi. Lakin indi hansı turnir olursa-olsun, qırmızı kart görən futbolçu komandasının bir sonrakı oyununa çıxmayacaq. Qeyd edək ki, FİFA son illərdə futbolda tez-tez dəyişikliyə gedir. Sonuncu dəfə video hakim sistemi (VAR) sınaqdan keçirilmiş, faydalı olduğu qənaətinə gəldikdən sonra Dünya Çempionatında və Avropanın bir çox turnirində istifadəyə verilmişdi.

Telegramda izləyin

instagramda izləyin