Siqareti necə tərgitmək olar? – "Başlıca işimiz lazımi nöqtələrə iynə batırmaqdır" – MÜSAHİBƏ

Siqareti necə tərgitmək olar? – "Başlıca işimiz lazımi nöqtələrə iynə batırmaqdır" – MÜSAHİBƏZövq aldığımız siqaret bizə sonra çox baha başa gəlir. İnsanın nəfəs yollarına , ağciyərə kəskin ziyan vurur , ürək xəstəliyi və insult riskini artırır. Çoxları bu ziyanlı əşyadan canını qurtarmaq istəsə belə, bunu bacarmır. Onun təsirindən çıxa bilmir. Amma mütəxəssilər çox asan yollar təklif edirlər. Yəni bir növ bu bəladan qurtarmaq elə də çətin deyil. Elə nevropatoloq Azər Məmmədov da siqaretdən qurtulmağın asan yolunu təklif edir.

Modern.az saytı bu ixtisas üzrə təkmilləşdirmə kurslarında iştirak edən və elə Çin təbabəti ilə məşğul olan nevropatoloqla müsahibəni təqdim edirik.

- Siqaretin ziyanından çox danışılır, amma ondan imtina etmək elə də asan başa gəlmir. Niyə?

- Bu gün dünyada insan üçün ən ciddi problemlərdən biri tütündür. Bəli, gecə-gündüz tütün əleyhinə danışılır, maarifləndirmə aparılır, amma baxırıq ki, ondan istifadə azalmaq əvəzinə artır. Uzun illərdir ki, həkimlər həyacan təbili çalırlar ki, siqaret ağciyər və ürək-damar xəstəliklərinin inkişafına, həmçinin bronxial xərçəng, xroniki bronxit, emfizema və bir çox xəstəliklərə səbəb olur. Hər il nikotindən 6 milyona yaxın insan dünyasını dəyişir. 2020-ci ildə isə bu rəqəmin 2 dəfə artacağı gözlənilir. Siqaret 1-ci nəfəs yollarına daxil olduğundan ona ziyan vurur.

Siqareti tərgitmək bir az səbr və inam tələb edir. Biz indi yeni bir üsulla bu bəladan qurtarmağın yollarını təqim edirik. Bu yaxınlarda mən siqareti çox böyük həvəslə istifadə edən bir xanıma dedim ki, bu ziyanlı əşyadan istəsəniz sizi xilas edə bilərəm. Dedi: "Nə danışırsınız. Mən siqaretdən zövq alıram". Bir şey deyə bilərəm ki, bu nikotinin insan orqanizminə necə ziyan vurduğunu çoxları bilmir.

Siqaret daha çox hansı xəstəliyə səbəb olur? Bir də siqaretin səbəb olduğu və ürək əməliyyatı keçirən pasiyent yenə də siqaret çəkir və bundan uzaqlaşa bilmədiyini deyir.

- Siqaret ürək-damar sisteminə mənfi təsir edir. Damar keçiriciliyini zəiflədir, kapilyar damarlarda qanın axmasını pozur, yəni hipoksiya əmələ gətirir. Siqaretin törətdiyi qorxulu xəstəliklərdən biri də infarktdır. Tütün məhsullarından istifadə edən şəxslərin ürəyində qan dövranı azalır və ürəyin fəaliyyəti zəifləməyə başlayır. Nikotin qan təzyiqinə səbəb olur, nəticədə insan infarkt keçirir. İnfarkt keçirən xəstələrin əksəriyyəti siqaret çəkənlərdir. İndi təsəvvür edin ki, həmin insanlar əməliyyat olunub və yenidən siqaret çəkirlər. Bu nə deməkdir? Bu onların ömrünün qısalması deməkdir. Xəstəliyin kəskinləməsi deməkdir.

- Siqaret çəkən adamın yanında da duran adam da elə bil ki, siqaret çəkmiş hesab olunur. Bu doğrudurmu?

- Bəli, tam doğrudur. Biz buna passiv şəkildə yayılma deyirik. Siqaret çəkən şəxslə təmasda olanda tütünün zəhərli maddələri insan orqanizminə daxil olur ki, bu da passiv tütün çəkmə adlanır. Bundan ən çox əziyyət çəkənlər isə uşaqlardır. Siqaretin fəsadlarının nə demək olduğunu bilməyən uşaqlar onun tüstüsünü qəbul edirlər. Bu onların hələ tam formalaşmayan orqanizminə dəhşətli dərəcədə mənfi təsir göstərir. Gələcəkdə bir çox xəstəliklərin yaranmasını sürətləndirir. Əgər hər hansı valideyn siqaret çəkirsə, öz övladı ilə təmasda olarkən nəfəs alanda belə uşağa mənfi təsir göstərir, onu infeksiyalara yoluxdurur.

- Hamilə qadınlar da siqaret çəkir. Onlar yəni bu qədər acizdirlər və anlamırlar ki, bətnlərindəki körpəyə bu ziyandır?

- Siqaret kişilərlə müqayisədə qadınlara daha çox mənfi təsir edir. O ki qala hamilə qadınların siqaret çəkməsinə, bu, lap dəhşətdir. Əgər hamilə qadın siqaret çəkirsə və yaxud siqaret çəkən şəxsin yanında tüstünü passiv şəkildə qəbul edirsə, hormonlara güclü təsir edən zəhərli maddələr onun gələcəkdə dünyaya gətirəcəyi körpənin orqanizminə birbaşa daxil olur. Və formalaşmaqda olan orqanizmdə bir çox xəstəliklərin yaranmasının başlanğıcı olur. Hamilə qadınların hələ doğulmamış uşaqları ana bətnində zərər çəkir. Cılız, zəif uşaqların doğumu, hətta ölü doğuşların ehtimalı artır.

Siqaret çəkən qadın uşağı əmizdirən zaman nikotin ana südü vasitəsilə körpəyə keçir. Hamilə qadın əslində özü yaxşı anlayır ki, nikotin onun bətnindəki körpəyə mənfi təsir edir. Sadəcə iradə zəifliyi onun siqareti tərgitməsinin qarşısını alır.

Əfsuslar olsun ki, iradə hər insanda eyni dərəcədə deyil. Hazırda zəif iradəli insanlar daha çox üstünlük təşkil edirlər. Onlar da əslində böyük istəklə deyirlər ki, siqaretdən azad olmaq istəyirlər, amma konkret işə gələndə bacarmırlar.

- İnsanları siqaretdən necə uzaqlaşdımaq olar?

- Siqaretlə mübarizədə təbii müalicə ilk dəfə qədim Çində yaranıb. Bu müalicədə heç bir qatqıdan, dərmandan, iynədən, kimyəvi maddələrdən istifadə olunmur. Bioloji aktiv nöqtələrə təsir etməklə nəticə əldə edilir. Azərbaycanda ilk olaraq mən bu üsulla mülaicəyə başlamışam.

Biz nə edirik? Bildiyiniz kimi bioloji aktiv nöqtələr də ən təbii müalicə növü sayılır. Bioloji nöqtələrin baş beyinlə birbaşa əlaqəsi bir çox nevroloji xəstəliklərin müalicəsinə yol açır. Bu terapiya tez bir zamanda baş ağrılarını və başqa ağrıları aradan qaldırır. Onların köməyi ilə beyin qabığı sahəsi aktivləşdirilir. Hansı ki orada neiromediatrlar ifraz olunur, bunlar da dopomin, serotin kimi maddələrdir.

Bu maddələr də sinir sisteminin siqnallarının ötürülməsində böyük rol oynayır. Bu nöqtələrə stimulyasiya etməklə siqnalların sinir hüceyrələrinə ötürülməsi yaxşılaşdırılır. Stimulyasiya siqnal keçiriciliyini yaxşılaşdırır, bununla da biz müsbət nəticələr əldə edirik. Palezlər, ifliclər aradan qaldırılır. Bundan başqa neyrometiratorlar psixi emosional vəziyyətdə də çox müsbət təsir göstərir. Buna görə də bizim həyata keçirdiyimiz terapiya bir çox xəstəliklərin müalicəsində, nevroloji xəstəliklərin müalicəsində tətbiq olunur. Depressiya, nevroz, yuxusuzluq, qorxu, həyəcan, özünə qapanma, hətta yuxunun yaxşılaşdırılmasında da müsbət təsir göstərir. Ürək-damar, hərəkət-dayaq aparatı xəstəlikləri, əzələ, oynaq ağrılarında da effektiv üsuldur.

- Bəzən insanlar siqaret çəkməklə fikirlərini dağıdırlar axı.

- Bu, sizə elə gəlir. Siqaret fikri dağıtmır və ya stressi aradan qaldırmır. Sadəcə olaraq insanlar psixoloji düşünürlər ki, siqaret onların fikrini dağıdır. Həmin şəxslər düşünmürlər ki, bu yolla bədənlərini zəhərləyirlər.

Doğrusu, birdən-birə siqaretdən azad olmaq da insanlara çətin olur. Onların bu zaman orqanizmində dəyişikliklər baş verir, sinir gərginliyi yaranır əsəbi, aqressiv olurlar. Bizim müalicə elədir ki, ümumiyyətlə bu hallar yaranmır və əgər yaranırsa onu tez aradan qaldırırıq. Başlıca işimiz lazımi nöqtələrə iynə batırmaqdır. Bəli, siqareti tərgitmək elə də çətin deyil. Yetər ki, istək olsun.


Sonxeber.az Telegramda izləyin instagramda izləyin
Sağlamlıq   Baxılıb: 1581   Tarix: 06 yanvar 2019  

Şikayətiniz varsa Whatsapp: 051 7028255

Facebookda Paylaş


Kurslar.az kurslar

Oxşar xəbərlər

.

Əks-göstəriş sertifikatları ilə vaksin pasportu eynihüquqludur? - AÇIQLAMA

Vaksinə qarşı əks-göstəriş sertifikatlarına sahib olan şəxslər vaksin pasportu və immunitet sertifikatı olanlarla bərabərhüquqludur. Daxili İşlər Nazirliyinin İctimaiyyətlə əlaqələr şöbəsinin rəisi, polis mayoru Elşad Hacıyev məlumat verib. O bildirib ki, vaksin pasportu tələb olunan yerlərdə bunun əvəzin

11 sentyabr 2021
.

Payız soyuqdəyməsindən bunlarla qorunun

Havaların get-gedə soyumağa başlaması ilə soyuqdəymə, qrip kimi xəstəliklər də çoxalır. İmmunitet getdikcə, düşür. Buna görə də ilk növbədə immuniteti yüksək saxlamaq üçün vasitələrə baş vurmaq lazımdır. Axşam.az xarici mediaya istinadən xəbər verir ki, immuniteti ən çox yüksəldən vasitə otlardan hazırlana

17 sentyabr 2021
.

Koronavirusa qarşı kimin immuniteti daha güclüdür?

Çində koronavirusa yoluxmuş 70 min insanın analizləri əsasında araşdırma aparılıb. Məlum olub ki, bu xəstəliyin yalnız 1% -i uşaqlarda və yeniyetmələrdə olur. Ən az risk 0-19 yaş arasıdır. Həkimlər bunu yaşdan asılı olaraq orqanizmin qoruyucu funksiyalarının zəifləməsi ilə əlaqələndirirlər. Uşaqları

8 sentyabr 2021
.

Yaponiyalı həkimlər "Pfizer" peyvəndində yad cisimlər aşkar ediblər

Yaponiyalı mütəxəssislər "Pfizer"BioNTech" şirkətlərinin birgə istehsalı olan koronavirusa qarşı vaksinin tərkibində yad cisimlər aşkar ediblər. Ölkə üzrə üç fərqli vaksinasiya məntqəsində istifadə edilən 18 doza peyvəndin içində ağ toz şəkilli kənar elementlər müşahidə olunub. Həkimlə

15 sentyabr 2021
.

Kolbasa, kabab və burger - Gündə 25 qram yesəniz...

Britaniyada Leeds Universiteti tərəfindən aparılmış bir araşdırma hər gün emal olunmuş ət yeyən insanlarda demensiya (ağıl zəifləməsi) riskinin 44 faiz arta biləcəyini göstərib. -a istinadən bildirir ki, araşdırmada kolbasa, kabab və burger kimi qidaların orta və daha yuxarı yaşlarda beyin sağlamlığın

15 sentyabr 2021
.

On qaşıq bal, üç diş sarımsaq - İnsanları qışdan çıxaran təbii üsullar

Qışın yaxınlaşdığı günlərdə mövsümi dəyişikliklərə hazır olmaq lazımdır. Bunu üçün antibiotik əvəzinə ən təsirli qidalardan istifadə etmək məsləhət görülür. -a istinadən həmin qidaları təqdim edir:. İspanaq antioksidant baxımdan son dərəcə zəngin olduğu üçün orqanizmi hüceyrə səviyyəsində qoruyar. Faydalanma

10 sentyabr 2021
.

Yoluxucu xəstəliklərdən qorunmaq üçün belə qidalanın

Payızda immuniteti yaxşılaşdırmaq və bədəni gücləndirmək üçün sitrus meyvələrindən istifadə etmək məsləhət görülür, çünki tərkibində olan efir yağları əhval-ruhiyyəni yüksəldir. Bundan əlavə, faydalı yağlar unudulmamalıdır, onları qoz-fındıq, zeytun yağı, avokado və yağlı balıqdan əldə etmək olar. -

13 sentyabr 2021
.

Smartfonu yatağınıza yaxın qoymayın - SƏBƏB

Bir smartfondan gələn radiasiya xərçəng xəstəliyi ilə təhdid edə bilər, buna görə də cihazı uzun müddət başınızın yanında saxlamayın. Bu barədə rusiyalı mütəxəssis Anton Yastrebtsev bildirib. Onun sözlərinə görə, telefonun orqanizmə təsiri mobil rabitənin baza stansiyasından olan məsafəyə mütənasib olara

17 sentyabr 2021
.

Möcüzəli ədviyyat DARÇIN - Hər dərdin dərmanı

"Cinnamomum" ağacının qabığı olan ətirli darçın tez-tez yemək və şirniyyatların hazırlanmasında istifadə olunur. Lakin bir çox digər ədviyyatlar kimi, darçın həm də çoxsaylı müalicəvi xüsusiyyətlərə malikdir və sağlamlığı qorumağa və bərpa etməyə yardım edir. Darçın orqanizmə güclü antibakterial

13 sentyabr 2021