Azərbaycanda dəhşətli hadisənin qurbanı olan 22 yaşlı Nüsrətin FOTOLARI

Dünən axşam saatlarında Şəmkir rayonunda baş vermiş dəhşətli yol qəzası ilə bağlı bəzi məqamlar üzə çıxıb.

Sonxeber.az Publika.az-a istinadən xəbər verir ki, rayonun Yeniabad kəndi ərazisində aşan "Mercedes E-Class" markalı minik avtomobilində ölən sürücü, 1997-ci il təvəllüdlü Nüsrət Rzazadə və 1996-cı ildə anadan olmuş Raul İsazadə Keçili kəndinin sakinləri olub.

Belə ki, onlar Dağ Cəyir kəndindəki yas mərasimindən geri – Keçili kəndinə qayıdarkən Yeniabad ərazisində qəzaya düşüblər. Yüksək sürətlə hərəkət edən avtomobil idarəetmədən çıxıb və yolun kənarındakı ağaca dəyərək aşıb. Hər iki gənc faciəvi şəkildə vəfat edib.

Bildirilir ki, avtomobil qəzaya düşməzdən əvvəl yol kənarındakı "Ocaq" restoranının kamerasına düşüb və yüksək sürətlə idarə edilirmiş.

Qəzada vəfat edən gənclər subay olub, onlar bu gün kənd qəbiristanlığında dəfn ediləcəklər.

Dəhşətli hadisədə vəfat edən sürücü, 22 yaşlı Nüsrət Rzazadənin bəzi fotolarını təqdim edirik.

Faktla bağlı cinayət işi açılıb, araşdırma aparılır.

Telegramda izləyin

instagramda izləyin