"Yazırlar ki, bir ayağı burada, bir ayağı gorda" – Üzünü dartdıran əməkdar artist

"Yaşıma görə yazırlar ki, bir ayağı burada, bir ayağı gorda. Bu nəyə lazımdır?"

Sonxeber.az Primetime.az-a istinadən xəbər verir ki, bu sözləri əməkdar artist Nahidə Orucova "X maqazin" verilişinə açıqlamasında deyib. Plastik əməliyyat etdirən 57 yaşlı aktrisa instagram izləyiciləri tərıfindən tənqid olunduğunu bildirib:

"Bilirsiniz ki, çox arıqladım. Buna görə də üzüm düşdü və qırışdı. Heç vaxt yaşıma görə kompleks keçirməmişəm. Mənə deyirlər yaşını gizlədirsən. Sadəcə, özümə bir az maya qoydum. İnsanın həyatı və yaşamağı sevməsi pisdir? Qadının özünə baxması, baxımlı olması əsla pis deyil. İnsanlar qəzəbli olublar. Qarşısındakına başqa münasibət bəsləyirlər. Hamımız müsəlmanıq. Düşmənçilik nəyə lazımdır? İnsan insanı sevər. Əgər, xoşlamırsansa heç onun hesabına daxil olmayın. Baxmayın ürəyiniz də bulanmasın".

Qeyd edək ki, N.Orucova üzdartdırma əməliyyatı etdirib. O, eyni zamanda buxaq hissəsini də kəsdirib. Aktrisa bir neçə vaxt əvvəl isə mədəkiçiltmə etdirib, 64 kiloqram çəki atıb.

Telegramda izləyin

instagramda izləyin